Do 16 de xaneiro ao 6 de febreiro de 2023 abriuse o prazo para que o alumnado de 6º reserve praza no  IES MENDIÑO para o curso escolar 2023/2024.

Se desexan que os seus fillos cursen 1º de ESO nese centro deberán cubrir o impreso de reserva ( ED550A ) e presentalo na secretaría do CEIP OUTEIRO DAS PENAS. (*)

Habitualmente o IES MENDIÑO ten prazas suficientes para acoller a todo o alumnado. Se este ano ocorre o mesmo unha vez entregado este impreso de reserva xa se considerarán

admitidos e só deberán formalizar a matrícula a finais de curso no instituto.

Se teñen a reserva aceptada no IES MENDIÑO NON PODERÁN solicitar a admisión noutro centro. Para facelo deberán renunciar por escrito a praza reservada (antes do 28 de febreiro).

O prazo para facer a solicitude noutro instituto distinto abrirase do 1 ao 20 de marzo.

NORMATIVA APLICABLE:

DECRETO 13/2022 DO 3 DE FEBREIRO ( DOG 11 de febreiro de 2022)

ORDE 21 de outubro do 2022 (DOG 8 de novembro de 2022)

Máis información no colexio, na web da Consellería de Educación ou na sede electrónica da Xunta de Galicia.

(*)Este impreso tamén pode cumprimentarse en internet na aplicación admisionalumnado (https://www.edu.xunta.es/admisionalumnado) para logo entregalo no centro ou realizar todo o proceso telemáticamente con certificado dixital ou coa Chave365 na sede electrónica.

Hoxe publicáronse as bases para a solicitude de material escolar.

O prazo de solicitude é dende o 15 de xullo ata o 10 de agosto.

LIBROS E MATERIAL ESCOLAR 2022-2023

Fondolibros e axudas adquisición libros de texto e material escolar 2022-2023 ( Orde 29 de abril do 2022 ).

Prazo de presentación de solicitudes: Do 19 de maio ao 22 de xuño ámbolos dous inclusive.

Forma de presentación:

-Presencial no centro

-Presentación a través da sede electrónica da Xunta de Galicia ( Procedemento ED330B )

Informamos a todos os responsables que fixeron solicitude de admisión para o vindeiro curso 2022-2023 que todo o alumnado foi admitido.

" Dende o día 1 ata o 21 de marzo ábrese o prazo de solicitude de admisión para o vindeiro curso 2022-2023 para todo o alumnado que entra por primeira vez no sistema educativo así como para aqueles alumnos de Educación Infantil e Primaria que desexen cambiar de centro escolar sempre que haxa prazas dispoñibles.

Unha vez pechado o prazo de solicitudes, as listas provisionais de admitidos e excluídos publicaranse o día 25 de abril, as definitivas antes do 15 de maio e os prazos de formalización de matrícula serán do 20 ao 30 de xuño para os alumnos de Infantil e Primaria.

Cómpre lembrar que a Consellería de Educación pon á disposición das familias unha ferramenta informática, a aplicación admisionalumnado, que posibilita que os proxenitores cubran a solicitude na aplicación e poidan presentala de forma presencial no centro ou por vía electrónica a través da propia aplicación".

ENTROIDO 2022

(PREME NA IMAXE)

A semana pasada o alumnado de Infantil participou nos talleres de entroido, facendo filloas, máscaras,maquillaxe e complementos. Preme na imaxe para ver o video.