AULA DE POLOS CREATIVOS

AULA DE POLOS CREATIVOS 

O CEIP Ramón Otero Pedrayo, é pioneiro neste novedoso proxecto, sendo adxudicatario do mesmo desde a convocatoria orixinal, e contando coa aula de "Polos" en funcionamento desde xaneiro de 2023, o que nos fai formar parte dunha curta lista de centros educativos nesta situación en toda Galicia. 

A nosa idea ao incorporar o programa “Polos Creativos” á nosa realidade educativa diaria é iniciar a senda establecida pola EuropeanSchoolnet, coa creación das “FutureClassroomLab (FCL)”, senda que tamén incorporou o INTEF (Instituto Nacional de Tecnologías Educativas y de Formación del Profesorado) coas “Aulas do Futuro” e consolidala tomando como referente principal a “Aula Nova” do CAFI. É dicir, desenvolver un espazo ou espazos innovadores e flexibles para crear, inventar, equivocarse e buscar solucións, de maneira que o noso alumnado poida ser o impulsor das súas propias aprendizaxes, traballando de xeito creativo, colaborativo e autónomo baixo a axuda do profesorado.  

 FAI CLICK NA IMAXE PARA VER TODA A GALERÍA

Álbum: 01 - O CENTRO -> POLOS CREATIVOS