Skip to Content

MIGALLAS TEATRO

O pasado xoves 24 de novembro, o alumnado de Educación Infantil puido gozar co espectáculo de "Brincadeiras da lingua" da compañía de teatro Migallas Teatro.

Pasárono xenial e aprenderon moitas cousas.

DÍA INTERNACIONAL CONTRA A VIOLENCIA DE XÉNERO

Este curso estamos traballando as emocións (EMOCIÓNA-T) e, para iso, formamos parte do Programa Reto. Un programa no que participan moitos outros centros do páis e que ten como finalidade educar emocionalmente ao alumnado de maneira que integre as emocións no ámbito escolar e lle axuden a crecer, a aprender e a gozar con elas, mellorando así a convivencia escolar.

Dentro deste, unha das actividades estaba vencellada ao traballo e concienciación sobre o 25N. No seguinte vídeo podedes ver (entre o minuto 5 e 6) o mural que realizamos entre todo o centro e cuxo significado foi traballado nas aulas.

RECÍCLATE CON SOGAMA

Outro dos proxectos nos que participamos este curso, vencellado ao proxecto do centro co coidado do medioambiente, é Recíclate con Sogama. Este forma parte dos Plans Proxecta da Xunta de Galicia.

Por este motivo, hoxe o xornal de La Voz de Galicia fíxose eco desta nova (pinchade na imaxe para ver a nova completa).

CREACIÓNS ARTÍSTICAS DO OUTONO

Vencellando o proxecto do centro sobre o coidado do medio ambiente coa época do ano na que nos atopamos, saen cousas tan fermosas coma estas.

O noso alumnado demostrou a súa creatividade nas diferentes creacións artísitcas elaboradas con elementos do outono e, en defensa do coidado do medio ambiente. 

Velaquí algunhas imaxes.

MAGOSTO

O pasado venres 18 celebramos o Magosto. E que mellor maneira de facelo que comendo castañas asadas nun tren que semellaba unha antiga lareira e, xogando a diferentes xogos tradicionais.

Pasámolo xenial!

Mirade o vídeo para comprobalo.

 

Samaín

O pasado 28 de outubro festexamos o Samaín. Durante a semana decoramos todo o centro e fixemos unha exposición de cabazas. E, o venres, cada quen escolleu o seu traxe máis terrorífico, comezamos bailando nas filas e, despois, tivemos unha sesión de cine acompañada de flocos de millo.

Pasámolo xenial!

ELECCIÓNS CONSELLO ESCOLAR

Axúntase información relativa ás eleccións do Consello Escolar.

CAMARIÑAS COMPOSTA

O centro acaba de unirse á rede de Camariñas Composta promovida polo Concello de Camariñas. Dentro das nosas instalacións haberá catro composteiros que axudarán a reducir a pegada medioambiental e loitar contra o cambio climático.

 

PROGRAMAS EDUCATIVOS 2022-2023

A Consellería aprobou a participación do CEIP O AREAL nos seguintes Programas Educativos.

Bo Samaín

Distribuir contido


by Dr. Radut