CEIP O Areal

O pasado martes, 30 de xaneiro, o alumnado do CEIP O AREAL uniuse para promover a paz a través de mensaxes inspiradoras. Xuntos/as, estamos a construír un mundo máis amable e solidario. #XuntosPolaPAZ 

O alumnado de 5º e 6º elaborou unhas bandeiras. Mirade que ben lles quedaron!

Non hai mellor maneira de aprender que entre os iguais. Por iso, o alumnado de máis idade do centro traballou cos máis pequenos a lectura e a orientación espacial. Despois, tiveron tempo para desenvolver toda a súa creatividade no patio do centro pintando o chan con tiza.

Que xornada tan divertida!

Este pasado xoves tivemos a visita da Asociación Íntegro que achegou ao noso alumnado de infantil e primaria a diversidade e a inclusión a través do xogo e o entretemento. 

No caso do alumnado de 6º de educación infantil, a xornada de sensibilización consistiu na lectura dun “contacontos guiado” coa finalidade de traballar os conceptos de Discapacidade e Inclusión. Ademais, realizáronse outras actividades lúdicas arredor desta temática a través da técnica do “muralismo” para intercambiar ideas e afianzar conceptos. Pola súa banda, nas aulas de 2º de primaria tamén houbo tempo para achegarse á diversidade a través do relato de “Súper Lucía”.

Hoxe o noso alumando participou xunto a un millar de escolares no cros de Cee. Pasádevos a ver as fotos na páxina do centro.

E aquí máis vídeos.