Skip to Content

Circulares

INFORMACIÓN XERAL

 

 

RESERVA PRAZA EN CENTRO DE ADSCRICIÓN

Iníciase o procedemento de admisión de alumnado en centros docentes sostidos con fondos públicos para o curso 2024/2025, para o alumnado de 6º de primaria que desexe reservar a praza no centro de adscrición (IES de Foz).

O prazo de presentación de solicitudes abranguerá dende o 15 de xaneiro ao 5 de febreiro de 2024.

As familias poderán cumprimentar as solicitude de reserva de xeito manual empregando o formulario en papel ou a través da aplicación admisionalumnado.

SOLICITUDE

ADMISIONALUMNADO

Esta solicitude deberase presentar no centro educativo de orixe (CEIP Plurilingüe de Foz número 1) ou en calquera dos lugares que establece a Lei 39/2015, do 1 de outubro, do Precedemento Admnistrativo Común, incluída a Sede Electrónica da Xunta de Galicia. Neste caso deberan descargar a solicitude e presentala no centro educativo.

RESERVA DE PRAZA NO IES DE FOZ - ALUMNADO DE 6º DE PRIMARIA

Aberto o prazo de presentación de solicitudes para a reserva de praza no centro de adscrición (IES de Foz) para o alumnado de sexto de primaria, dende o 16 de xaneiro ata o 6 de febreiro.

Poderán facelo en calquera das seguintes formas:

- Cubrir o impreso correspondente (ED550A) e entregalo no CEIP Plurilingüe de Foz número 1.

- A través da aplicación admisión alumnado e presentando a solicitude no CEIP Plurilingüe de Foz número 1.

- Na Sede Electrónica da Xunta de Galicia (enlace). para o que se precisará de Chave365 ou certificado dixital.

CALENDARIO ELECTORAL

Constituída a Xunta Electoral o 4 de novembro de 2022, determina o calendario electoral para a renovación parcial do Consello Escolar:

Recordamos que corresponde a renovación parcial de tres pais do Consello Escolar (un deles nomeado pola ANPA). A partir do luns 7 e ata o venres 11 de novembro, aqueles pais/nais que queiran presentar a súa candidatura poderán exercer o seu dereito accedendo ao centro en horario de 9:00 a 9:30horas e de 13:30 a 14:00 horas. A urna e os modelos a cubrir estarán ubicados na entrada do edificio principal.

ELECCIÓNS DE MEMBROS DO CONSELLO ESCOLAR

Segundo a Resolución do 19 de setembro de 2022, establécese o calendario para a renovación parcial dos Consellos Escolares dos centros docentes sostidos con fondos públicos.

No noso centro, correspóndelle renovar dous mestres e tres pais (un deles nomeado pola ANPA).

O vindeiro mércores, 2 de novembro, celebrarase o sorteo público para a constitución da Xunta Electoral, encargada de xestionar o proceso. O 4 de novembro procederase á constitución da mesma, publicarase o calendario electoral e toda a información relacionada.

Animamos ás familias a formar parte do centro a través do Consello Escolar, órgano que permite a conexión do centro coas familias en prol dunha mellora da convivencia no centro e calidade educativa.

 

eleccións de membros do consello escolar de ceipdefoznumero1 plurilingüe

INICIO DE CURSO

Estimadas familias,

O curso escolar dará comezo o vindeiro xoves 8 de setembro. Neste día o horario será de 10:00 a 14:00 horas e comedor escolar de 14:00 a 15:30 horas.

Durante o curso escolar, as entradas e saídas do centro realizaranse do seguinte xeito:

-          -  Cursos de Educación Infantil, 1º e 2º de Primaria: porta principal (Eduardo Pondal).

-          -  Cursos de 3º, 4º, 5º e 6º de Primaria: acceso ao patio pola cancela da rúa Alfonso X.

-          Poderán acceder a partir das 8:50 h., agás o 8 de setembro que será dende as 9:50.

-          O alumnado entrará só, sendo o profesorado o encargado da súa custodia e a organización por cursos para a subida ás aulas.

-          Aqueles pais que precisen acceder ao centro, poderán facelo unha vez o alumnado se incorpore ás súas aulas.

De outubro a maio, en horario de 15:30 a 17:00 horas, darán comezo as gardas de tarde de profesorado para o alumnado de comedor que por motivos de conciliación familiar precisen un tempo de custodia no centro.

REUNIÓNS PRINCIPIO DE CURSO:

-          1º de Educación Primaria: luns 12 de setembro ás 16:30 horas.

-      3º e 4º de Educación Primaria: luns 12 de setembro ás 16:00 horas.

-          6ºA e 6ºB de Educación Primaria: luns 12 de setembro ás 17:00 horas.

-          5º e 6º de Educación Infantil: mércores 14 de setembro ás 16:30 horas.

-          5º de Educación Primaria: martes 20 de setembro ás 16:00 horas.

INFORMACIÓN COVID

Publicación da comunicación conxunta das Consellerías de Sanidade e Educación sobre a Xestión de contactos estreitos covid-19 no ámbito educativo:

COMUNICACIÓN

RECOMENDACIÓNS PREVENTIVAS PARA CONTACTOS ESTREITOS

VOLTA ÁS AULAS

Estimadas familias,

Dada a situación de alta transmisibilidade na que nos atopamos cremos que é necesario extremar as precaucións establecidas nos protocolos COVID, insistindo no uso axeitado da máscara, na ventilación cruzada e no establecemento dos grupos burbulla, de acordo ás pautas do protocolo.

Segundo as novas pautas establecidas a nivel nacional, os casos activos deberán seguir un illamento de 7 días máis 3 de vixilancia activa contados desde o inicio de síntomas ou a toma de mostra para proba diagnóstica no caso de asintomáticos.

Os contactos estreitos de 12 ou máis anos coa pauta vacinal completa, seguirán unha vixilancia activa durante 7 días. Os menores de 12 anos, sen pauta vacinal completa, deberán facer unha corentena de 7 días máis 3 de vixilancia activa.

En todo caso os períodos de corentenas e illamentos serán os que Sanidade paute nas súas guías ou protocolos que se irán adaptando á situación cambiante.

Agradecendo o gran esforzo que toda a Comunidade Educativa está a facer para conter a expansión deste virus, recibide un cordial saúdo.

ASPECTOS PRINCIPAIS - VOLTA ÁS AULAS

INFORMACIÓN - INICIO DO CURSO ESCOLAR: 2021/22

Estimadas familias,

Ante todo, queremos darlles a benvida ao novo curso escolar, e transmitirlles a información básica para o comezo do curso.

Segundo as medidas recollidas no “Protocolo de adaptación ao contexto da COVID-19, publicado o 1/09/21”, en liñas xerais, manteranse as mesmas medidas de prevención do curso pasado. Poden consultar nos seguintes enlaces:

Tal e como recolle o protocolo de actuación frente á Covid-19, as reunións e titorías coas familias serán preferiblemente telefónicas ou por videoconferencia, agás que o obxecto das mesmas requirise a presencialidade. Tendo en conta isto, e que as medidas no centro serán similares ás do curso pasado, non se farán reunións grupais de inicio, agás nos cursos:

- 4º DE ED. INFANTIL (inicio no centro). Martes 7/09/21, ás 17:00h, na aula de referencia.

- 1º DE ED. PRIMARIA (cambio de etapa). Martes 7/09/21, ás 18:00h, na aula de referencia.

- 5º de ED. PRIMARIA (inicio E-DIXGAL). Serán citados no mes de setembro.

O comezo das clases será o vindeiro xoves 9 de setembro en horario de 10:00 a 14:00 horas. O alumnado de primaria accederá polo acceso indicado ao curso de 9:55 a 10:00, e o alumnado de infantil ás 10:05.

Para o primeiro día, será suficiente traer un estoxo e unha carpeta no caso do alumnado de primaria. Ese día, facilitaráselles a lista de material e as autorizacións a firmar polas familias para o presente curso escolar.

Recordamos a importancia de manter as medidas de prevención previstas e a puntualidade nas entradas e saídas.

Para calquera consulta, poden chamar aos teléfonos do centro (982870322 / 982870321 / 982870323) ou no correo electrónico (ceip.numero1.foz@edu.xunta.gal).

Desexándolles un bo comezo de curso,

Un saúdo,

O equipo de profesorado.

 

Distribuir contido


by Dr. Radut