Ed. física

Aquí tes dúas sesións de Educación Física, por se non as viches en directo. Espero que as desfrutes!

Para contribuir ao Proxecto Deportivo de Centro (Centros Activos e Saudables), o alumnado de Educación Infantil xoga aos birlos durante os períodos de recreo.

Como cada ano, participamos no encontro do Xogade dos centros das comarcas da Montaña. Celebrouse o martes 19 de novembro no CPI de Cervantes (San Román) e a organización correu a cargo de Lucía Lombardía, mestra de Educación Física do propio centro, e de Jose Antonio.

Os nenos e nenas de Pedrafita, Courel, Baralla, Becerreá, Navia, Cervantes e As Nogais xogaron de xeito individual e por parellas durante toda a mañá.

A competición foi todo un éxito! Para rematar, os mestres de cada centro outorgaron un trofeo a cada centro pola súa participación.

Este ano levamos a cabo o Proxecto Deportivo de Centro (PDC). Un proxecto pertencente ao Plan Proxecta (plan de innovación educativa).

Comezamos coa liga de xogos tradicionais na que todo o alumnado participa en grupos mixtos (idade e curso). No primeiro trimestre xogamos ao "Cero", un xogo de lanzamento de precisión no areeiro do centro.

Tamén neste trimestre, organizamos unha liga de bádminton por parellas, durante os recreos.

O pasado día 3 de decembro, conmemoramos todos os cursos o día das persoas con discapacidade dende o área de Educación Física con dúas actividades: o goalball e o xogo de busca "o cego e o lazarillo".