MAIOS 2023

Sáb, 29/04/2023 - 00:57 — Duarte

COMPLEMENTARIAS

OS MAIOS

“Os Maios” é o nome dunha festa galega coa que damos a benvida á primavera, na que celebramos o esplendor da natureza e despedimos o inverno.

É unha celebración ancestral que ten lugar para festexar a eclosión do mundo vexetal. As súas orixes remontanse ás civilizacións prerromanas. Ter unha boa colleita era fundamental para conservar o alimento anual. Por iso se celebran no momento da eclosión da primavera, non cando se inicia. Adóitanse celebrar arredor do 1 de maio.

Na súa manifestación máis habitual, a festa consiste en relizar diversas representacións, bailes e cantos (coplas) arredor dunha escultura vexetal chamada “maio”. O maio pódese manifestar de diferentes formas: a árbore do maio, os maios humanos, os figurados e os artísticos. A forma máis estendida na nosa provincia son os maios figurativos: «estruturas cónicas ou piramidais que se adornan con motivos vexetais».

AQUÍ VOS DEIXAMOS ALGUNHAS FOTOS E VÍDEOS DA NOSA CELEBRACIÓN NO COLE