PARTICIPACIÓN NO PROGRAMA XOGADE
Os alumnos e alumnas de 3º, 4º, 5º e 6º de primaria participaron hoxe na Final Provincial de campo a través do programa Xogade en Portas. Parabéns, rapaces e rapazas.
Publicación de listaxe definitiva de alumnado admitido no servizo de comedor para o curso 2022/23.
Están publicadas as listaxes definitivas de usuarios admitidos e de reserva para o servizo de comedor para o curso 2022/23. Poden consultalas no taboleiro de anuncios do centro.
Todos aqueles alumnos e alumnas admitidos deben cubrir o anexo II autodeclaración e entregalo na secretaría do centro ata o 15 de xullo en horario de 10:00h a 13:00h ou a partir do 1 de setembro e antes do día 8. Poden recollelo na secretaría do centro ou descargalo no seguinte enlace:
Libros de texto e material impreso para o curso 2022/23
Pódense consultar e descargar aquí as listaxes de libros de texto e material impreso que deben mercar para os niveis de Educación Infantil e Primaria para o vindeiro curso 2022-2023.
- Os de 5º e 6º de Primaria só deben mercar os cadernos que constan no arquivo, entregaráselles en setembro o ordenador do programa E-DIXGAL.
- Os libros de 4º EP os os que solicitaron o Fondo Solidario serán entregados no mes de setembro.
- Os libros do nivel de 3º EP os que solicitaron o Fondo Solidario deben esperar a saber se lles corresponden algúns do Fondo Solidario para despois mercar os que lles falten.
EDUCACIÓN INFANTIL
| 5º (4 anos) |
| 3º | ||
| 4º | 5º | 6º |
Excursión dos alumnos e alumnas de 6º de Primaria
As alumnas e alumnos de 6º de Primaria visitaron onte o Ecoparque de Marín. Foi un gran día de convivencia e diversión.
Visita de Ledicia Costas
O día 24 de maio visitounos a escritora Ledicia Costas para falar dos seus libros e responder a todas as preguntas do alumnado de 3º e 4º de primaria sobre o libro de lectura "Vampira de biblioteca".
Publicada a convocatoria de participación no fondo solidario, axudas para adquisición de libros de texto e material escolar para o curso 2022/2023.
O obxeto da Orde é convocar a participación no fondo solidario de libros de texto, axudas para adquisición de libros de texto e material escolar destinadas ao seguinte alumnado:
Fondo solidario: 3º, 4º de Educación Primaria.
Axudas para libros de texto: 1º e 2º de Educación Primaria e EE.
Material escolar: 1º, 2º, 3º, 4º, 5º e 6º.
Só será preciso presentar unha única solicitude, incluíndo nela a todos/as fillos/as que estean escolarizados no centro. (Se a presentación é por vía electrónica deben presentar unha solicitude por cada fillo).
As solicitudes presentaranse preferiblemente por vía electrónica no formulario normalizado (anexo I) dispoñible na aplicación informática Fondolibros (https://www.edu.xunta.es/fondolibros), a través da sede electrónica da Xunta de Galicia: https://sede.xunta.gal. Tamén poderán presentarse na secretaría do centro.
Prazo de presentación da solicitude: ata o 22 de xuño de 2022.
Documentación:
As persoas interesadas deberán achegar coa solicitude a seguinte documentación:
- Copia do libro de familia onde figuren todos os membros computables.
Nos casos en que non teñan libro de familia ou este non reflicta a situación en 31 de decembro de 2019, poderán acreditar o número de membros utilizando, entre outros, algún dos seguintes medios:
- Sentenza xudicial de separación ou divorcio ou, de ser o caso, convenio regulador onde conste a atribución da custodia do/da menor.
- Certificado ou volante de convivencia.
- Informe dos servizos sociais ou do órgano equivalente do concello onde resida a familia.
Artigo 24. 3.- Quedarán excluídas as solicitudes que non se puidesen validar por estar presentadas fóra de prazo, por falta de emenda das deficiencias da solicitude e/ou da documentación ou por falta da devolución dos libros de texto recibidos do fondo solidario adquiridos coas axudas nos cursos anteriores.
Para máis información dirixirse á secretaría do centro ou picar no seguinte enlace.
Documentos para descargar:
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »
