Na primeira semana de maio tivemos que facer un maio para levar á celebración que iamos compartir con outros colexios de Ferrol na praza de España. Finalmente as actividades canceláronse por mal tempo, pero aquí tendes algunhas fotos da nosa colaboración para facer o noso Maio-moucho...

 SE QUERES VER O RESTO DAS ACTIVIDADES COMÚNS SOBRE OS MAIOS QUE FIXEMOS TODA A ESCOLA PREME AQUÍ.

O pasado 8 de Abril celebramos na escola a Conmemoración Internacional do día do Pobo Xitano. En infantil e nos cursos  baixos de primaria fomos ver un conto narrado á biblioteca do centro sobre a vida cotiá dun neno xitano chamado Antonio.  Os maiores recibiron a visita de Alejandra Barrul Fuentes, unha rapaza xitana que está estudando na universidade co obxectivo de converterse en xuíza. Premendo aquí ou na fotografía superior tendes a ligazón a estas actividades feitas cos demais compañeiros e compañeiras do centro. 

Nós fomos a visitar a exposición sobre o Pobo Xitano, elaborada gracias á colaboración de varias familias xitanas do centro. Para coñecer máis sobre este pobo e as súas tradicións tivemos a sorte de contar con Janet Gabarre Giménez de 5º de Primaria como guía. Con toda a súa ilusión foi explicándonos como son as vodas xitanas, grazas a un dos varios traxes de noiva que vestiu a súa nai nese día, das fotos da familia botando as améndoas caramelizadas sobre a noiva, que poidemos ver e tocar, e de máis obxectos típicos das vodas; pero tamén aprendemos algo da vida cotiá, como das cachabas, bastóns característicos dos maiores; os aparellos para montar os cabalos; a cestería, traballo artesán típico deste pobo; tamén nos falou do flamenco, dos cantaores e bailarinas, do instrumento chamado caixón, da súa roupa e calzado, ... entre outras cousas.

Logo fomos á nosa clase con Janet e estivemos bailando un pouco de flamenco con ela, iso era o que máis nos apetecía!!

MOITÍSIMAS GRAZAS JANET, DESCUBRIMOS MOITAS COUSAS INTERESANTES GRAZAS A TI!!

UNHA APERTA DE TOD@S!

Nesta terceira avaliación fixemos tres grandes cambios na aula, desapareceron os recunchos de xogo simbólico A CASIÑA, OS TRENS  e OS ANIMAIS E AS CONSTRUCCIÓNS. Pero a cambio apareceu o MERCADO, OS COCHES E A CIDADE e o recuncho dos ARTISTAS. Ademais puxéronnos xa o encerado dixital que nos ven moi ben para moitas cousas, entre elas para debuxar e facer trazos dun xeito diferente...

En concreto, o recuncho do MERCADO está a sernos moi útil para traballar tanto a lectoescritura como os números e as sumas. Os cartaces dos distintos postos están feitos por nós, así como os carteliños cos prezos (máis adiante traballaremos de xeito práctico a utilidade dos cartos) e tamén estamos utilizando as cestas da compra para facer sumas de elementos...

Este mercado danos moito xogo!

A principios de abril celebramos a Semana protagonista do noso queridísimo compañeiro IVÁN na que gozamos dos seus obxectos máis prezados, que compartíu con nós estes días, e na que lle contamos o importante e especial que é para cada un/ha de nós na nosa aula. 

O día no que celebramos o cumple fixemos unha TORTA DE AMORODOS, tal e como quería Iván, porque, en realidade, no momento da votación da receita a facer o escollido pola maioría foron magdalenas, pero algúns compañeiros e compañeiras cambiaron o seu voto para que Iván tivese no seu aniversario a merenda que quería.

Moi ben por ese compañerismo!

Cocimos a torta no forno da escola, que trouxemos á nosa clase, e logo fixemos a nosa FESTA RACHADA!

Outro día desta semana tan especial viñeron a nai e o pai de Ivan a pasar un ratiño con nós. Jose leunos un conto no que nos gustou moito e Eva repartiunos unha lambetada que tamén nos encatou!

Moitas grazas pola vosa visita, como nos gusta tervos na aula!