CELEBRACIÓN DOS MAIOS 2016
Este ano iamos celebrar os maios xunto con varios colexios de Ferrol na praza de España, nunha actividade organizada polo Concello. Iamos presentar o noso maio e un grupo de rapazas e rapaces da escola ían recitar un poema de Manuel María no escenario. Tamén cantarían unha canción e o resto da escola ía acompañar dende abaixo. Tamén veríamos as presentacións das demais escolas e gozaríamos da actuación dun grupo teatral e de entretemento.
Por mor do mal tempo a actividade quedou cancelada, así que fixemos estas actividades no noso pavillón. Aquí tendes algunhas imaxes da elaboración do maio e da celebración que finalmente levamos a cabo.