1º Ciclo, 2º Ciclo, 3º Ciclo, Actividades, Actividades, Actividades, Actividades, Actividades, Adiviñas, Animación á lectura, Animación á lectura, Apadriñamentos, Biblioteca, Biblioteca, Biblioteca, Curso 2010-2011, curso 2011-2012, Curso 2012-2013, Educación Fïsica, Educación Infantil, Infantil, Inglès, Inglés, Música, Música, Orientaciön, Plan Proxecta, Primeiro ciclo, Primeiro Ciclo, Recomendámosche, Segundo Ciclo, Segundo Ciclo, Terceiro Ciclo

O COLECTOR PARA TAPÓNS DE PLÁSTICO

Antes de iniciar o noso Proxecto CÓDIGO 3R na clase de 6º de infantil xa contábamos cun Obradoiro Semanal de Medioambiente. Unha das primeiras actividades que fixemos foi decorar estes colector para tapóns de plástico. Esta ligazón lévavos ao artigo na nosa web de infantil.

INVESTIGACIÓN SOBRE O COMPOSTEIRO E CARTEIS INFORMATIVOS ELABORADOS POLOS ALUMNOS DE 3º

Na clase de 3º de primaria comezaron o proxecto CÓDIGO 3R cunha investigación exhaustiva sobre o que debemos botar no composteiro e o que non por equipos. Unha vez finalizada a investigación cada grupo elaborou un cartel informativo sobre o que debemos botar no composteiro e o que non. Estes carteis foron en expostos por todo o centro. Aquí tendes un exemplo dos mesmos:

PLASTICHÍN, COMELLÓN, CARTÚNEZ, VIDRIOLO E COMPOSTEIRO.

Dende as aulas de Infantil decidimos que para achegar a nenos tan pequenos aos colectores do lixo dotámolos dun nome e unha sinxela personalidade. Así o colector amarelo chámase Plastichín e é un colector chinés moi simpático. Cartúnez e o colector azul e é bastante serio e refinado. Comellón e colector xenérico e é moi goloso. Vidriolo é un colector marciano, por iso ten só un ollo. Finalmente o Composteiro chámase igual e é moi afable aínda que un pouco porcallán. Con estas personaxes presentamos un Conto e tamén un xogo. O conto fálanos da necesidade de clasificar o lixo para non acabar cos recursos do planeta.O xogo dos colectores é o explicado no apartado anterior, pois usouse tamén para unha das probas da Xincana das letras galegas.

XA TEMOS COMPÓS PARA ABONAR A NOSA HORTA!

Dende o ano pasado temos un composteiro na horta da nosa escola. Por iso xa o curso anterior comezamos a separar os residuos orgánicos que poden ir no composteiro para xerar compós que nos abone as leiras. Este ano utilizamos dito compós e logo sementamos as parcelas con leitugas, tomates, amorodos, cebolas, chícharos e patacas. Tamén seguimos recollendo os restos orgánicos nun caldeiro con tapa que sempre está no recibidor da escola, ao lado do colector xenérico para botar os residuos orgánicos que non fan compós (como o embutido ou a mondas de cítricos).

A clase encargada cada semana de baleirar a illa de reciclaxe nos colectores do concello tamén é a clase encargada de baleirar cada día, en pequenos grupos, o caldeiro do recibidor no composteiro da horta. É importante sinalar que nós non xeramos suficiente lixo orgánico para xerar o compós, por iso pedimos a colaboración das familias, para que trouxesen os residuos orgánicos das súas casas e os botasen no composteiro do centro.

Premede aquí para ver o resto das fotos.

OS CARTEIS PARA A CLASIFICACIÓN DO LIXO NO MASDÍAS

Despois da visita de Sogama de febreiro para calcular o nivel de impropios da nosa Illa de Reciclaxe (é dicir, de residuos introducidos no colector equivocado), puxemos carteis informando do tipo exacto de lixo, habitualmente xerado na escola, que vai en cada colector (amarelo, azul e xenérico) e recalcamos que tipo de lixo non vai no mesmo, sobre todo resaltando o tipo de residuos que soemos introducir como impropio nestes colectores, tal e como reflectiu a mostraxe dos mesmos efectuado pola empresa..

Tamén puxemos carteis para mellorar a calidade deste lixo que vai ser reciclado informando do estado no que debe depositarse o mesmo (sobre todo en canto a limpeza e baleirado).

Por último tamén puxemos carteis informando do resto de colectores que temos na escola: de tapóns de plástico, de pilas, de vidro e para o composteiro.

Premede aquí para ver máis fotos.