Eventos

PROCESO DE ADMISIÓN DE ALUMNADO

CURSO 2020/2021

PRAZO: DO 1 AO 20 DE MARZO DE 2020

O vindeiro 1 de marzo de 2020 iníciase a fase de admisión de alumnado en centros docentes sustentados con fondos públicos que imparten ensinanzas de 2º ciclo de Educación Infantil, Educación Primaria, Educación Secundaria Obrigatoria e de Bacharelato, reguladas na Lei 2/2006, do 3 de maio, de educación, para o curso 2020/21.

O alumnado que xa está matriculado neste centro non ten que facer ningún trámite.

O alumnado que iniciará a escolarización en 4º de EDUCACIÓN INFANTIL no vindeiro curso 2020/2021 deberá realizar a presentación da solicitude no colexio ou facéndoo a través da web da Consellería de Educación (admisionalumnado).

Tanto no caso de presentar a solicitude telemáticamente como no caso de presentala directamente no centro deberá achegarse fotocopia da documentación pertinente:

• DNI da alumna/o en caso de telo.
• DNI proxenitores.
• Libro de familia.
• Se é o caso, documentación xustificativa da solicitude dunha praza para alumnado con necesidades específicas de apoio educativo.
• Certificado oficial do expediente académico se é o caso.
• Sentenza xudicial de separación ou divorcio e/ou convenio regulador onde conste a custodia do menor, de darse o caso.
• Outra documentación.

O pasado 24 de febreiro celebróuse o día de Rosalía de Castro, pero como nos coincidíu coas vacacións de entroido decidimos celebralo o martes 3 de marzo. Éste ano adicóuse a lectura pública da obra da nosa escritora, e os protagonistas deste acto foron os colaboradores da biblioteca, quenes prepararon a lectura dalgúns poemas da poetisa acompañados de melodía. Todo isto foi posible grazas á colaboración de dous mestres do centro (a profe Marta de música e o profe Martin o orientador). Agradecemos a todos eles por nos facer pasar un rato tan bonito e emotivo e especialmete a artífice da actividade a mestra Deli. Ata pronto!

Segundo o anuncio da Consellería de Educación sobre o coronavirus para os vindeiros 14 días naturais contados dende o día 16 de marzo de 2020 adoptarase no centro as seguintes medidas relativas ao alumnado:

• Suspensión de todo tipo de actividade lectiva regulada en todos os centros de ensino non universitario. Esta suspensión inclúe tamén os servizos educativos complementarios, nomeadamente, o comedor, transporte e servizo de madrugadores, con independencia de quen sexa o organizador dos devanditos servizos.
• Suspéndense no ámbito educativo todas as viaxes de estudos, excursións, ou calquera tipo de desprazamento de grupos de alumnado ou de profesorado.

• Suspéndense no ámbito educativo todo tipo de festivais, galas ou actividades que impliquen a reunión de alumnado.

• O profesorado programará nas páxinas web dos centros ou por outros medios telemáticos, accesibles ao seu alumnado, actividades xenéricas relacionadas cos contidos curriculares para que o seu alumnado as poida realizar no seu domicilio, e fará o seu seguimento, pero non terán carácter de avaliables.

Suspéndese a recollida de material e actividades no centro por parte das familias de alumnos.

PROCESO DE ADMISIÓN DE ALUMNADO

CURSO 2020/2021

Novas instrucións sobre o prceso de admisión  por mor do COVID-19

Amplíase provisionalmente o prazo de presentación telemática e presencial de solicitudes de admisión que finalizará 1 semana despois do reinicio das clases.

Recoméndase a utilización preferente da modalidade telemática para a presentación das solicitudes

O alumnado de E. Infantil dispón de propostas de actividades na ala virtual do centro no apartado ESPAZO FAMILIAS.

O Ministerio de Sanidade dicta unha instrucción que permite ás persoas con Trastorno do Espectro Autista saír á rúa acompañadas mentres dure o estado de alarma.

Máis imformación neste enlace da

CONFEDERACIÓN DE AUTISMO DE ESPAÑA

Estimadas familias: queremos informarvos que na Aula Virtual están publicadas para algúns cursos recomendacións e actividades que podedes realizar xunto cos rapaces e rapazas.No ESPAZO FAMILIAS ou no ESPAZO ALUMNAS E ALUMNOS podédelas atopar diferenciadas por cursos.