NOTA INFORMATIVA Comunicamos que desde o pasado xoves temos unha avería coa liña telefónica do centro que afecta tanto ao teléfono como a internet. Os avisos de comedor foron atendidos sen incidencias. Desde o momento en que se produxo a incidencia, están avisados os responsables encargados de solucionar o problema pero seguimos agardando a que nolo arranxen. Esperamos ter unha solución no día de hoxe. Para comunicacións ao centro utilizade o correo electrónico. En canto teñamos solucionado o problema avisaremos por esta vía. Lamentamos os posibles problemas que esta situación puidera ocasionarlles. |
|||
Ao amparo do disposto no artigo 7.2 da Orde do 19 de maio de 2021 (DOG Núm.104 do 4 de xuño), a xefatura territorial resolveu autorizar o día 7 de decembro como día non lectivo ao CEIP Gonzalo Torrente Ballester, polo que o próximo martes 7 non haberá clase. |
|||
Onte xoves foi 25 de novembro, Día Internacional da Eliminación da Violencia contra as Mulleres. No cole non queríamos ser alleos a esta lacra que tanto afecta á nosa sociedade, así que o noso alumnado realizou algunhas actividades de protesta. Aquí vos deixamos dúas delas. |
|||
Data, hora e lugar da votación das familias para e renovación parcial do Consello Escolar. Data: luns 22 de novembro. Hora: de 15:00h a18:00h. Lugar: biblioteca do centro. Para consultar toda a información do proceso podedes premer na seguinte presentación. |
|||
En relación coas instruccións da orde de distribución de máscaras, comunicámoslle o seguinte: No Anexo I da solicitude publicada no Dieario oficial de Galicia, omitiuse o campo relativo aos datos do alumnado para o que se solicita a axuda. Tendo en conta o breve prazo para a presentación de solicitudes, pódese inclúir na cabeceira da solicitude. Un saúdo. Podedes descargar o Anexo premendo na imaxe:
|
|||
Publicadas as bases para solicitar axudas para a adquisición de máscaras para o alumnado. Non teñen que presentar solicitude: O alumnado beneficiario da axuda de material escolar no curso 2021-2022. Teñen que presentar solicitude: O alumnado que non foi beneficiario da axuda de material escolar no curso 2021-2022 que cumpra algunha das seguintes condicións: • Que pertenza a unha familia cunha renda per cápita igual ou inferior a 6.000 €. • Alumnado matriculado en educación especial. • Alumnado suxeito a tutela ou garda da Xunta de Galicia. • Alumnado cun grao de discapacidade igual ou superior ao 65%. Prazo de presentación: Do 15 ao 26 de novembro. Para descargar o formulario de solicitude, premede na imaxe. Para consultar a Orde premede na imaxe.
|
|||
|
|||
CIRCULAR INFORMATIVA Para consultar a circular informativa sobre o proceso de renovación parcial dos membros do Consello escolar, podedes premer na imaxe. |
|||
NOTA INFORMATIVA O próximo luns 11 de outubro foi declarado pola Consellería de Educación como día do ensino, polo que é día non lectivo e non haberá colexio. |
|||
|
|||
- « primeira
- ‹ anterior
- …
- 8
- 9
- 10
- 11
- 12
- 13
- 14
- 15
- 16
- …
- seguinte ›
- última »
![CEIP Gonzalo Torrente Ballester. Sigrás-Cambre RSS Distribuir contido](/centros/ceipgonzalotorrentecambre/misc/feed.png)