Como cada ano o 1º de maio deste 2017 participamos na festa dos maios na Praza da Ferraría. A nosa participación foi recompensada con moitos premios, que finalmente desembocaron no premio especial ao maio.
O colexio agradece á Comunidade Educativa a colaboración e participación nas actividades programadas polo centro, neste caso na celebración dos maios. A participación foi moi significativa na elaboración das coplas, na recollida do material -ovos, flores, laranxas, fiúncho,...- e tamén na confección do maio e da coroa.
Este agradecemento faise extensivo a todos os compoñentes da Comunidade educativa participantes na actividade, especialmente ao alumnado de 6º e a seus nais/pais.
Como colofón un pai de 6º elaborou este marabilloso vídeo, que tamén contén a actuación do noso alumnado na Ferraría.