CEIP FROEBEL

Conmemoración do Día da Paz

Estimadas familias:

Este ano baixo o lema “Camiñamos xuntos para levarnos mellor” todo o alumnado participou desta celebración organizada dende o equipo de biblioteca escolar.

O alumnado de 6º deu lectura a un manifesto elaborado dentro das clases e que serviu de reflexión sobre a nosa contribución ao exercicio da non violencia en todas as súas formas.

Coa axuda de todas as nenas e nenos realizamos un mural que recolle estes desexos a través de diferentes pisadas e, como en toda festa, houbo música: “Capaz pola Paz”

Achegamos unhas poucas fotos e un enlace ao vídeo co manifesto. Esperamos que vos guste.

Recibide un cordial saúdo,

O equipo docente

blogue de Equipo directivo

Xornada de portas abertas

De acordo coa lexislación que regula a admisión do alumnado para o curso 2024-25, o prazo para realizar as solicitudes ordinarias de admisión será do 1 ao 20 de marzo.

Por este motivo, queremos comunicarlles que os próximos días 20 e 27 de febreiro tedes a posibilidade de vir ao noso centro para que coñezades a oferta educativa do noso centro, presentarvos ao equipo docente e ensinaros as instalacións. Ademais, sempre é unha boa oportunidade para resolver dúbidas que poidades ter nesta próxima escolarización.

Co fin de organizar mellor esta visita agradeceríamos que nos deixarades no correo do centro ceip.froebel@edu.xunta.gal o nome do voso fillo/a e un teléfono de contacto.

Esperamos que esta información vos resulte de utilidade.

Un saúdo cordial,

O equipo directivo

blogue de Equipo directivo

Programa escolar de froita e leite

Estimadas familias:

Dende o pasado venres estamos distribuíndo froita nos tempos de recreo e para o finais de mes haberá briks de leite a disposición do alumnado que o desexe.

A froita será de excelente calidade e o leite estará amparado polo réxime de calidade “100% Galego”.

Esperamos que sexan moitos os alumnos e alumnas que se animen a tomar estas merendas saudables.

Un saúdo cordial,

O equipo directivo.

blogue de Equipo directivo

Solicitude de praza reservada a alumnado procedente de centros adscritos

Estimadas familias:

Dende este luns día 15 de xaneiro ata o día 5 de febreiro queda aberto o prazo para a reserva de praza no alumnado procedente de centro adscrito. A nós correspóndenos o IES Sánchez Cantón.

Toda a información referida a este procedemento está dispoñible a través da aplicación: www.edu.xunta.gal/admisionalumnado.

Poderán cumprimentar as solicitude de reserva:

- De xeito manual. Empregando o formulario en papel.

- A través da aplicación. Solicitudes > Reserva > Crear

Esta solicitude deberá presentarse:

- No centro educativo.

- A través de sede electrónica (precisarase Chave 365 ou certificado dixital). Sendo esta a canle preferible de presentación.

O comportamento da aplicación será diferente se se cubre estando identificado ou non:

- Familias/usuarios sen identificar: Introducirán todos os datos. Premerán no botón de Crear, aparecendo unha mensaxe para poder descargar a solicitude e o anexo I Bis que deberá presentar no centro.

- Familias/usuarios identificados: Unha vez gravada a solicitude na aplicación, aparecerán as opcións para presentar e asinar a solicitude na sede electrónica ou para descargar o informe (solicitude) e presentalo no centro educativo.

As dúbidas que poidades ter serán resoltas dende secretaría, dentro do horario establecido.

Un cordial saúdo,

O equipo directivo