Blogues

Vacantes para o próximo curso

Bo día:

De acordo coa normativa que regula o proceso de admisión de alumando, comunicamos as vacantes dispoñibles para o próximo curso 2024/25.

Igualmente, informamos do horario para tramitar as solicitudes e resolver calquera cuestión en relación a este procedemento.

Recibide un saúdo cordial.

O equipo directivo.

blogue de Equipo directivo

Escolarización Ordinaria para o curso 2024-2025

Estimadas familias:

Achegamos información que xa está publicada nos taboleiros do centro onde se explica o procedemento que regula o proceso de admisión para o próximo curso así como a normativa de referencia.

No día de mañá publicaremos as vacantes dispoñibles así como o horario de secretaría para a entrega das solicitudes.

Recibide un saúdo cordial.

O equipo directivo

Unha visita moi especial

Este venres foi un día de moitas actividades e celebracións:

Día de Rosalía; coas clases ambientadas cos seus poemas e datos da nosa escritora máis célebre. Aproveitade para ver as clases antes de que remate o trimestre.

Familias lectoras; xa que era o último venres de febreiro e coa satisfacción de que se presentaron e leron libros en case tódalas aulas.

E o anuncio do Salón de Libro, xa que estamos convidados a esta festa dos contos e das narracións; onde non faltará a maxia, a maxia de transformar o mundo a través da lectura.

Achegamos algunhas imaxes desta visita de Orbil que sempre ten apertas para repartir.

Un saúdo!

blogue de Equipo directivo

Taller de prevención da dor de costas

Estimadas familias:

Grazas á colaboración da Unidade de Fisioterapia de Atención Primaria, no día de hoxe tivemos a primeira das dúas sesións programadas co fin de sensibilizar e previr a dor de costas.

Houbo unha presentación na que aprendemos coma os estilos de vida que adoptamos é un dos factores principais na aparición desta problemática. Levamos como tarefa un rexistro da actividade física diaria para realizar durante unha semana e probamos algúns snacks de exercicio como ferramenta de utilidade na loita contra o sedentarismo.

Está claro que un enfoque de saúde integral precisa de accións coordinadas dende diversas institucións se queremos acadar cambios perdurables. Un exemplo destas iniciativas a podedes atopar no seguinte enlace: https://vida-saudable.sergas.gal/Familia. Onde tedes dispoñible información e recursos de utilidade.

Recibide un cordial saúdo e a seguir activos e saudables!