Tamén inundado de auga estará o CEIP FROEBEL: Unha instalación interactiva que poderá visitarse ata o luns 20 de decembro.
En Aquática captúrase o son e proxéctase a luz desde e sobre un conxunto de líquidos e elementos electromecánicos, como bombas de aire e dispositivos de indución e transmisión sonora.
(Click na imaxe para ver o vídeo)
O motivo da selección do noso centro foi este fío argumental que nos presentan dende Vértixe sonora: “A finais de setembro a prensa local facíase eco dunha medida cun tremendo impacto en termos simbólicos; Pontevedra pechaba ao tráfico varias rúas da cidade para expandir os patios de colexio. Liberadas de valados as zonas de recreo afirmaban o dereito á cidade, a un lugar de encontro onde proxectar ilusións, enlazar os fíos da urdidoira social, establecer colaboracións e complicidades, reforzar convivencias e alteridades”.
Aquatic : Vertixe Sonora
Estamos moi agradecidos de contar con esta obra no noso centro e que o alumnado poida probar e experimentar a través dela.
Recibide un cordial saúdo,
O equipo directivo