Skip to Content

Cartel Proceso de Admisión

II Concurso de caricaturas de Rosalía


ENTROIDO NO COLEXIO

O vindeiro venres 09 de Febreiro celebraremos o desfile de Entroido. Como novidade este ano participamos no I Desfile Escolar de Entroido, organizado polo Concello de Noia, xunto co resto de colexios e Institutos da vila. O percorrido do desfile transcorrerá pola Alameda de Noia e a rúa Rosalía de Castro, que estará cortada ao tráfico. A hora do comezo está prevista para as 10.30h. Os nenos e nenas baixarán e subirán nos autobuses, acompañados/as polo profesorado. Cada colexio terá unha zona asignada exclusivamente para os/as nenos/as. As familias poden asistir como público xa que haberá unha zona habilitada a tal efecto por motivos de organización e seguridade. Cando remate o desfile os nenos e nenas degustarán orellas na zona asignada a cada colexio.

Lembramos que en ningún momento se poderá recoller aos alumnos/as na zona da Alameda, deben volver ao colexio nos autobuses. Se alguén quere recoller o/a seu fillo/filla terá que voltar ao colexio e asinar a autorización para marchar co seu fillo/filla.

O tema elixido este ano polo noso colexio é: “O mundo máxico dos contos”

En caso de choiva, suspenderase o desfile con 48 horas de antelación. No noso centro fariamos un pequeno acto no xinmasio, só para os alumnos/as, as familias non poderán asistir por problemas obvios de espazo.

 

 

 

A figura do Meco tennos encomendado uns mandatos para mércores e xoves:

- Mandato para o mércores: Empeza a matinar como o mércores a cabeza queres tapar.  

- Mandato para o xoves: Para continuar co Meco a xogar algo no pescozo debes colgar.

DÍA DA PAZ 2018

O martes 30 de xaneiro celebrámolo Día da Paz no noso colexio cantando a canción O MUNDO É GRANDE.

 

 

 

O CEIP FELIPE DE CASTRO DE NOIA FOI PREMIADO NO IV CONCURSO DE TRABALLO POR PROXECTOS DE BIBLIOTECAS ESCOLARES CONVOCADOS POLA CONSELLERÍA DE CULTURA, EDUCACIÓN E ORDENACIÓN UNIVERSITARIA

O obxectivo deste certame, ao que se presentaron máis dun cento de traballos, é recoñocer o labor que se desenvolve nas salas de lectura dos centros para impulsar a realización de traballos de investigación e o uso de metodoloxías activas de aprendizaxe.

O traballo presentado polo CEIP Felipe de Castro foi feito en colaboración con outros dous centros, IES P. Fontexería de Muros e CEIP Pepe Xan da Baña de Santa Comba.

Para máis información poden consultar a Resolución en http://www.edu.xunta.gal/portal/sites/web/files/resolucion_iv_concurso_tpp.pdf

Distribuir contido


by Dr. Radut