Pincha na imaxe

http://www.mariajesusmusica.com/inicio/mi-primer-pasapalabra-musical

Paul Jackson Pollock, tal o seu nome completo, nacido en 1912 e falecido en 1956, foi a figura máis importante do movemento coñecido como expresionismo abstracto, corrente nada da man do pesimismo desencadeado pola guerra. O estilo polo que é coñecido Pollock é o chamado Action Painting. Este método, levado a cabo mediante o emprego da técnica dripping, consiste en deixar "pingar" libremente a pintura sobre o lenzo. Xustamente "Dripped" chámase o curto dirixido por Léo Verrier e producido por Chez Eddy, o cal explora a procura da "voz creativa" de Pollock. Nun mundo tinguido de sepia, no que os homes vestían traxes de corderoy marrón e camperas de veludo, o artista trata de atopar a forma de encaixar cos grandes mestres nas galerías e museos da Gran Mazá.

Un dos xéneros musicais que máis triunfa nos nosos días é o do mashup. Tamén coñecido como popurrí, bastard pop ou simplemente remestura. Este xénero consiste en combinar 2 ou máis temas musicais distintos e facer que soen ben. Aquí deixámosvos o vídeo onde se unen 57 clásicos de 33 compositores diferentes. Se estas melodías soan ben por separado, imaxinádevos o que pode saír de xuntalas todas.