Dinamización Lingüística
DÍA DAS BIBLIOTECAS ESCOLARES
Para conmemorar o Día Internacional das Bibliotecas Escolares, do 19 ao 27 de outubro leváronse a cabo unha serie de actividades na que os nenos e nenas de primaria exploraron as seccións da nosa biblio, seguiron as pistas que lles deixou Pepón (a nosa mascota), traballaron en equipo, colleron o seu primeiro libro e algún ou algunha levou a mochila viaxeira.
DÍA DO LIBRO
O 23 de abril celebramos o Día do libro.
Previamente elaboramos un libro de poesía titulado "Plantando versos" co que decoramos o corredor de acceso á Biblioteca e agasallamos aos nenos e nenas cun libro que eles mesmos escolleron.
Realizamos tamén a actividade "Apadriña un lector" na que os/as maiores lle len un conto aos máis pequenos/as.
Animación á lectura
Comezamos a semana cunha sesión de animación á lectura para o primeiro ciclo de Primaria, actividade enmarcada dentro da celebración do Día Mundial do Libro.
Paco Nogueiras, da editorial Kalandraka, foi o encargado de afeccionar aos nosos nenos e nenas a lectura.
As historias que contou foron estas:
Día Mundial da Poesía
Para conmemorar o Día Mundial da Poesía levamos a cabo as seguintes actividades:
- Lectura dos seguintes poemas por megafonía: O meu burriño de Manuel Murguía, María Soliña de Celso Emilio Ferreiro, A Rosalía de Curros Enríquez e Cantigas in modo antico de Figueira Valverde.
- Creación dun libro coa participación de todo o centro co nome Plantando versos.
RECITAL DE CONTOS CANTADOS
O venres 27 de marzo os nenos e nenas de Educación Infantil asistiron a un recital de contos cantados no salón de actos do colexio.
Os pequerrechos/as gozaron cantando e bailando os contos tradicionais da nosa cultura: os tres porquiños, o gato con botas,...
Animación á lectura
O luns, 9 de marzo, os nenos e nenas de 6º de Educación Infantil participaron nunha sesión de animación á lectura en galego, por cortesía da editorial
Vicens-Vives.
Os contos traballados foron: O pequeno amigo do Tiranosaurus Rex e Un bicho raro.
Entroido 2015
O venres, 13 de febreiro, celebramos a festa do entroido no colexio cun gran desfile ao que estiveron invitadas as familias de todo o alumnado.
O polideportivo do centro converteuse nun gran circo polo que foron pasando pallasos, mimos, trapecistas, equilibristas, homes forzudos, mulleres barbudas, domadores e feras. E todo isto estivo amenizado pola banda do circo e as súas majorettes.
Entroido 2015
Dende o centro convidamos ás familias de todo o alumnado ao gran desfile de entroido que imos levar a cabo.
A temática é o marabilloso mundo do circo.
Día escolar da paz e da non violencia
O venres 30 de xaneiro celebramos no noso centro o día da paz.
Os mestres/as e o alumnado reunímonos para ver a representación da poesía "La paloma Maripaz" e cantarmos xuntos a canción "O progreso" de Roberto Carlos.
Pepón, a mascota da biblioteca, levaba xa un par de semanas recomendando lecturas sobre o tema e as paredes do colexio estaban cheas de poesías, mandalas e murais da paz.
Festival de Nadal
O xoves 18 de decembro celebramos o festival de nadal coas actuacións da rondalla, o grupo de pandeiretas e o grupo de teatro.
Así quedou:
CONCURSO DE TARXETAS DE NADAL
Outro curso máis o EDL convocou o concurso de tarxetas de nadal.
Estas foron as bases:
As tarxetas gañadoras de ciclo foron enviadas como felicitación ás familias.
GUÍA DE LECTURAS RECOMENDADAS
O Equipo de Biblioteca, en colaboración co EDL, elaborou a nova Guía de Lecturas recomendadas para o Nadal.
Cabe sinalar que o 75% dos libros elixidos están en lingua galega.
As guías repartíronse entre todo o alumnado e profesorado do centro.
CARAPORQUIÑA VERMELLA
O martes 16 de decembro visitounos Xan, un titiriteiro, para facernos rir un pouco coa obra Caraporquiña Vermella.
Hai que dicir que a obra creouna el baseándose no conto clásico Carapuchiña Vermella , só que neste caso, aínda que hai lobo, a protagonista é unha porquiña. Tamén os monicreques os elaborou el mesmo.
Aquí vos deixo unha mostra da actuación:
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- seguinte ›
- última »