Novas

Este ano preparamos unha exposición na entrada da Biblioteca chamada “O Pazo das Letras”. En colaboración co Equipo de Extraescolares argallamos para poñerlle un tellado e un escudo ao Castelo de Raticonto e así convertilo en Pazo. Todo Pazo que se precie ten o seu escudo!. 

Unha vez rematado, colocamos material sobre distintos autores galegos: Fina Casalderrey (como Membro da RAG), Pepe Carreiro (ilustrador ben querido polo alumnado), Rosalía de Castro (polo 150º Aniversario da publicación de Cantares Gallegos) e, como non, Roberto Vidal Bolaño, autor, actor, escenógrafo, director, guionista de cine e teatro homenaxeado  neste 2013.  Todos eles xunto a algunhas das súas obras e, no caso de Roberto Vidal B. tamén dous exemplos da súa participación en cine galego como Sempre Xonxa e Mareas Vivas.

Raticonto acompañounos dende o escenario nesta celebración co seu marcapáxinas de Roberto Vidal Bolaño como podedes ver na foto.

Gústavos como quedou? 

 

Os nenos e nenas de infantil e primeiro ciclo, así como algúns alumnos do 2º e 3º ciclo tiveron a oportunidade de recibir unha charla por parte da Presidenta do Refuxio de Animales de Cambados e de dúas das súas colaboradoras.
Durante as exposicións tamén puidemos ver e escoitar uns contos sobre a importancia de coidar moi ben dos nosos grandes amigos, os animais domésticos, sobre todo os cans.
Nesta ocasión acompañáronas 3 marabillosos cans, que fixeron as ledicias dos nenos e nenas pois son cariñosos, intelixentes e sobre todo moi agradecidos.

Podedes consultar o listado de alumnado admitido para o vindeiro curso 2013 - 2014.

Aquí tedes as imaxes do resultado  de traballar nas  titorías  algúns dos poemas recollidos en “Cantares Gallegos” (“Adiós ríos, Adiós fontes…”, “Vente rapasa”, “Campanas de Bastabales”, “Un repoludo gaiteiro”, “Meniña ti a mais hermosa”…). A proposta fixémola de xeito conxunto o Equipo de Normalización  Lingüística e o de Biblioteca. 

Aquí vos deixamos unhas fotografías dos momentos nos que o alumnado estivo xogando.

O pasado mércores os nenos e nenas do Ceip Coirón xunto cos seus mestres e mestras, tivemos a sorte de asistir á nova obra de teatro da Compañía Caracol.
Esta vez presentaban unha adaptación de Romeo e Xulieta de William Shakespeare, pero coa frescura e o toque especial que só eles saben darlle a unha historia.
Por moito que vos queiramos contar hai que vela para poder disfrutar tanto como nós o fixemos.

Deixamosvos aquí un par de fotiños desta saída:

A Sociedade Galega de Medio Ambiente acaba de publicar na súa páxina web o traballo realizado polo alumnado de 6º do cEIP Coirón Dena que consistiu en avaliar o grao de colaboración da poboación respecto á segregación de residuos en orixe. 23 alumnos/as de sexto curso de primaria realizaron entrevistas a 115 familias.

Podedes acceder á publicación facendo clic na seguinte imaxe:

A Consellería de Cultura, Educación e Ordenación Universitaria convoca 705 prazas para realizar actividades de formación en linguas estranxeiras no ano 2013.

Para máis información acceder á aplicación que a Consellería ten a disposición das familias para efectuar tódolos trámites necesarios clicando na seguinte imaxe ou no vínculo inferior.

https://www.edu.xunta.es/axudasle/

Este é o resultado da acitividade do Equipo de Dinamización e Normalización Lingüística proposta para este trimestre. Esperamos que vos guste.

Procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato.

A Consellería de Educación ven de publicar a orde  pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

Facendo clic na imxe accédese aos anexos cos formularios de reserva de praza, admisión de alumnado e matrícula, que os usuarios poderán cubrir e imprimir para a súa presentación nos centros educativos.