O pasado mércores celebrouse en Ourense o Ouff Escola no Auditorio de Ourense. Este Concurso encádrase no Festival Internacional de Cine de Ourense.
Este ano participaron mais de 100 centros con 120 traballos, nós presentamos dous, o videoclip de "Milo" e o de "Maruxa". Entregáronse 10 premios, e nós recibimos un deles por "Maruxa", déronnos unha Mención Especial. Para todos nós é un orgullo que estes traballos do Equipo de Contos e os nenos e nenas do Ceip Coirón reciban este tipo de recoñecemento. Como alí dixemos estes traballos son froito da ilusión, ilusión que nunca queremos perder e que queremos compartir con toda a comunidade educativa.
Para os despistados e para que todos poidamos volver a recordar a "Maruxa" aquí a tedes de novo!!
Benqueridas familias informamos que as clases iniciaranse o día 12 de setembro co novo horario de 8:45 a 13:45
O centro non abrirá as portas hasta as 8:35 e os autobuses irán ás paradas habituais uns 15 minutos antes que o curso pasado tanto para vir ao centro como ao volver.
Aproveitade moi ben esta última semana para descansar e desfrutar pero non vos esquezades que nós xa estamos no colexio preparando o novo curso con moitas novidades moi agradables e interesantes.
Ide preparando a mochila e non vos esquezades de meter nela moita ilusión e ganas de aprender!!
Todo o alumnado de 3º a 6º vai recibir fondo de libros, os alumnos de 1º e 2º non reciben libros deste fondo xa que os libros non poden ser reutilizados, según renta si que poden recibir vales para a compra de libros. O luns 18 deben pasarse todos polo colexio para recoller os libros e os vales.
A listaxe definitiva podedes vela no seguinte adxunto
Pinchando en "adxuntos" teñen á súa disposición as listaxes de material e de libros para o curso 2016/17.
Os vales dos libros de 1º e 2º, os libros de 3º, 4º, 5º e 6º e os vales de material entregaranse no centro educativo o día 18 de xullo en horario de 9 a 14:30
Dende o venres día 3 ata o día 22 de xuño recollemos na secretaría do centro as solicitudes de axudas para libros para o alumnado de 1º e 2º curso), as de fondo de libros (para o alumnado de 3º, 4º e 5º curso) e de axudas de material para todo oa laumnado de 1º a 5º curso.
O HORARIO DE ATENCIÓN PARA A RECOLLIDA DE DOCUMENTACIÓN É DE 9:00 a 10:00
Para solicitalas deberán usar os impresos que lles fixemos chegar polos nenos/as, todas as axudas solicítanse a través do mesmo impreso e no caso de varios irmás só deben entregar unha solicitude. Non se recollerán os impresos que non veñan acompñados das fotocopias de todas as follas do libro de familia e outros posibles documentos que deban aportar (cerificados de discapacidade...).
O alumnado de 6º curso deben facer os trámites no IES no que fixeran a reserva de praza.
Hoxe saíron os finalistas do Concurso Olloboi. temos 4 nominacións: Olloboi Online, Olloboi Dj, Olloboi Cómico e Olloboi Peleón.
Para nós é todo un orgullo ter chegado hasta aquí. O sábado 28 iremos a Boiro á entrega de premios, pero aínda que non volvamos cun Olloboi, si que viremos con moita ledicia e ilusión por ter acadado por segundo ano consecutivo estar entre finalistas desta categoría.
Aconséllamosvos que entredes e vexades todas estas marabillas. Son dignas de admiración.
Grazas a todos os que puxestes un gran de area en todo este traballiño!! Grazas polos vosos votos para o Olloboi Online, grazas por crer en nós e sobre todo grazas por animarnos a seguir traballando nesta línea.
Estos días ocupamos algunha folliña na prensa aquí tedes as reportaxes
O venres fo un día de conmemoración no Ceip Coirón de Dena. Quitamos fotos, xogamos cos globos azuis, rimos e sobre todo compartimos unha mañá un tanto distinta. Pero non queriamos deixar pasar esta ocasión de valorar a diversidade. Con este fin fixemos unha selección de curtas e contos para mostrarlles a toda a comunidade educativa: pais e nais, nenos e nenas , mestres e mestras.
Nesas proxeccións falábase do autismo, pero tamén doutras moitas diversidades: físicas, sensoriais e intelectuais. O que os asistentes podían percbir é que a diversidade enriquece, que as persoas con diversidade ensínanos moito e que temos que valoralas e facerlles a vida máis fácil. Todos temos fortalezas e todos temos dificultades pero apoiándonos uns aos outros todo será moito mais sinxelo.
Aquí vos deixamos unhas instantáneas do día, nelas veredes rapaces e rapaces sorindo que celebran ser nenos e nenas, todos diversos, pero camiñando xuntos todo se fai moito mais fácil. Acaso podedes distinguir a nenos con diverisade dos outros??...cremos que é imposible, todos e todas comparten algo en común que é o único que importa: son nenos e nenas felices!!
O equipo directivo do CEIP Coirón-Dena quere facer partícipe á comunidade educativa do colexio, dos parabéns recibidos dende a Consellería de Educación, polo noso proxecto escolar "Protexe aos animais".
Pero que está pasando no Ceip Coirón?? Os animais invaden o colexio! Hainos de todo tipo: salvaxes, domésticos, animais do mar, do bosque, da xungla...Eles percorren o centro libres e felices, boeno hasta que un cazador irrumpe no patio, pero non vos preocupedes que de seguidiña o poñemos no seu sitio e coma sempre rematamos a historia cunha festa do mais divertida. Eso si, antes diso fixemos unha manifestación en defensa dos animais á que hasta se uniron os pais e nais, pois en Dena somos do mais reivindicativo!! Non vos perdades esta divertida historia "madeincoirón", de seguro que a disfrutaredes!!
Foi unha tarde moi especial tanto polos visitantes coma polos contidos. O Refuxio veu de novo ao colexio e presentáronnos algúns dos habitantes do Refuxio así como as súas historias.
Na prensa recolleron a nova e quitamos moitas fotos que pronto poderedes ver no Ceipcoironenimaxes.
O mércores día 9 teremos de novo ao Refugio de animales de Cambados no noso cole. Esta vez virán falarnos da adopción e dos coidados que hai que dispensarlles ás nosas mascotas. Recorda!! Un animal é un ser vivo, non un xoguete!! Tratádeos ben!!
Seguro que aprenderemos moito con esta nova experiencia e ademais presentarannos algúns dos cadeliños que están no Refugio
BAIXO ESTAS LÍNEAS, NOS DOCUMENTOS ADXUNTOS PODEN DESCARGAR AS INSTRUCIÓNS E OS IMPRESOS PARA REALIZAR TODOS OS TRÁMITES (TAMÉN PODEN PEDIR OS IMPRESOS NA CONSERXERÍA DO COLEXIO)
Para mais información consulte a páxina da Consellería de Educación:
Continuando co proceso de votacións para a xornada única procedemos a facer pública o censo de pais/nais/titores. Teñen un prazo de cinco días para facer as reclamacións oportunas na secretaría do centro.
É moi importante que revisen os datos para que o día 24 todos/as poidan votar!! Tanto se queren a xornada única como se queren a actual deberían vir votar pois esta decisión repercutirá no horario definitivo do centro educativo dos seus fillos/as.
O pasado sábado día 6 de febreiro ás 16:30 pasou un tornado polo noso colexio ocasionando bastantes desperfectos. O mais importante é que como non era día lectivo ninguén resultou ferido.
O tornado afectou sobre todo ao tellado do primeiro edificio movendo e guindando con moitas das súas tellas. Os contenedores do lixo e do papel voaron por todo o recinto golpeando ventanas e rompendo os cristais, o tornado entrou pola porta que comunica o xardín da biblioteca co corredor do primeiro ciclo e rompeu un dos seus cristais, tamén quixo ir ao baño do segundo ciclo tirando co falso teito desa zona.
Estas vacacións de entroido foron de moito traballo para o Concello e os seus empregados, o Equipo Directivo e o conxerxe do colexio e para a Unidade Técnica da Delegación de Educación de Pontevedra, houbo que limpar todo, reparar o mais urxente, dar parte do sinistro, atender aos medios, tomar decisións, valorar os desperfectos, facer informes, tomar as medidas de seguridade necesarias para que o colexio non fora perigoso...
Pero conseguimos que o xoves puidéramos reanudar as clases con normalidade tras delimitar unha zona de seguridade para que a empresa encargada de reparar os danos traballara sen que houbese perigo para os que tiñamos que vir ao colexio.
Agora queda reparar o tellado, pero hasta que non esté bo tempo non poderá ser, pero tranquilos que temos unha cuberta de aurelita que está intacta!!
Esperemos que o tornado xa aprendera todo o que veu aprender ao colexio e non volva a visitarnos, nin a nós nin a ninguén mais da nosa terra, se quere aprender cousas que vaia á escola dos tornados non ao Ceip Coirón Dena!!
E por fin chegou o gran día!! Aquí tedes a "Milo", unha obra de arte, divertida, fresca e moi pedagóxica!! Un bo resumo feito polos nenos e nenas do nosos colexio para contarvos como debemos tratar aos nosos animais de compañía e o importantes que son na nosa vida.
Desfrutade con el, e si vos gusta temos que pedirvos un gran favor que nos votedes no Concurso de Olloboi xa que este ano volvemos a participar con moita ilusión. O Olloboi é como os "Oscars" pero á galega e no eido educativo. Votar é moi sinxelo, ide a este enderezo clicando nel: https://docs.google.com/forms/d/1VLbaAGjMo-H0i61BVitqcoZnx6t6Uxt6qd9Tb9Ua6aQ/viewform?c=0&w=1 Bucade a Milo (cara ao final da listaxe), cubride os datos que vos piden e por último ide ao final do texto e clicade en SUBMIT. Non esquezades ningún dos pasos!!
Moitas Grazas!!
Queremos tamén darvos as grazas dende aquí a todos os que fixestes posible esta superprodución:
O Refuxio de Animales de Cambados
A familia de Santi, o noso conserxe e donos de Milo
O Furancho A de Marcos de Ganón, Meaño
Clinica Veterinaria Rubén de Dena
E a todas as familias e nenos que colaboraron gustosamente traendo os utensilios necesarios para a posta en escea.
Entre todos de seguro que poderemos de novo traer un Olloboi ao noso colexio!! A votar todos!!
O pasado mércores tivemos unha visita moi especial no noso Centro. Clau e Mía viñeron en representación do Refuxio de Cambados e ensináronnos moitas cousas.
Grazas de corazón por este gran traballo!!
Tedes aquí a nova no Faro de Vigo e o enderezo a fotos desta gran clase maxistral
Comenzamos o noso traballo con Proxecta deste ano. Como sabedes xira entorno a aprender a protexer os nosos animais. Contaremos con varias visitas do Refuxio de Cambados que farán no noso centro varios obradoiros.
O primeiro deles será sobre tres temas moi importantes:
Que é un Refuxio de Animais
Perderlle medo aos cans
Como tratar cos cans descoñecidos
Estarán con nós todo o mércores á tarde e faremos dúas quendas para poder adaptar os obradoiros ás idades dos nenos/as
Xa vos contaremos como resulta esta primeira experiencia!!
No Ceip Coirón Dena xa comeza a arrecender a castañas asadas... O vindeiro mércores imos celebrar o magosto (se o tempo nolo permite) e pasaremos unha tarde festeira e lúdica celebrando este evento.
Deixamos aquí un cartel informativo do que imos facer esa tarde. En canto poidamos colgaremos fotos para que vexades que ben o pasan os vosos fillos e fillas un día coma este.
Non vos esquezades de mandarlles unhas pouquichiñas castañas picadas e algúns carozos para asalas. Grazas pola vosa colaboración!!
Unha vez mais debemos agradecer ás familias a gran acollida e a participación no Concurso de Cabazas. Cada ano non deixa de sorprendernos a vosa capacidade creativa e o esmero con que tallades cada unha destas marabillas. GRAZAS!! GRAZAS!! E GRAZAS!!