PROGRAMACIÓN ANUAL
PLAN ANUAL DE LECTURA
1. INTRODUCIÓN.
O plan anual de lectura recolle todas as actuacións que se van celebrar no centro durante o curso 2011/2012 para acadar a consecución dos obxectivos do Plan Lector de Centro.
2. OBXECTIVOS.
• Formar lectores competentes.
• Fomentar o hábito lector.
• Mellorar a expresión oral.
• Potenciar a comprensión lectora.
• Fomentar o espírito crítico.
• Promover o uso da biblioteca.
• Potenciar actividades de escritura.
• Mellorar a competencia de aprender a aprender.
3. A BIBLIOTECA ESCOLAR.
A Biblioteca Escolar ten un papel fundamental na consecución dos obxectivos do PLC xa que é a encargada da organización e xestión dos fondos, funcionando como centro de recursos do centro e poñendo estes a disposición de toda a comunidade escolar.
Ademais programa diversas actuacións de dinamización e encárgase das actividades de formación de usuarios e do asesoramento ao profesorado nas tarefas de tratamento da información.
4. ORGANIZACIÓN – HORARIOS.
a) Hora de Ler:
En todo o centro dedicarase un tempo diario á lectura, dentro da actividade Hora de ler.
En Ed. Primaria dedícanse 20 minutos diarios, despois da hora do recreo (12:25-12:45). Das cinco sesións dedicadas á lectura, tres serán de lectura silenciosa e dúas dedicaranse a actividades relacionadas con ela: lectura oral, compartida, dramatizada, etc..
En Ed. Infantil serán 15 minutos despois do recreo (11:55-12:15), con diferentes actividades en torno á lectura.
b) Horario Biblioteca:
5. ACTIVIDADES.
a) As aulas:
Todos os ciclos, dentro da programación anual, farán constar as actuacións a realizar para a consecución dos obxectivos do PLC, en relación aos diferentes aspectos que debemos traballar: expresión oral, lectura, comprensión, expresión escrita, aprender a aprender, tratamento da información e competencia dixital.
Ademais todos os niveis establecerán os diferentes Itinerarios Lectores, unha selección de lecturas que se irán traballando durante o curso, dentro da hora de ler ou ben integrados no currículo de cada un.
b) A Biblioteca:
ORGANIZACIÓN E XESTIÓN:
Durante este curso pretendemos conseguir:
• O espazo:
Situar un expositor a carón da entrada da BE, para que os nenos e nenas poidan facer as súas recomendacións daqueles libros que leron con agrado ou lles gustaría ler.
Aproveitar os espazos para diversas exposicións temáticas: tema interdisciplinar do centro, Samaín, novidades e outros temas monográficos de carácter literario.
Dispor do espazo á entrada do cole para a exposición dos materiais de produción propia e que estean á disposición de toda a comunidade escolar.
Decoración interior da Biblioteca.
Realizar un cambio na ubicación dalgunhas seccións, sempre buscando a comodidade e a mellor disposición da BE.
Ubicar o que imos chamar “O rincón de Buli” no que haberá actuacións por parte dos nenos e nenas un día á semana.
Ambientar un recuncho para a casa de Buli, que tamén nos servirá para a lectura.
• Os fondos:
Continuar co etiquetado dalgúns dos fondos catalogados pola CDU e a literatura de adultos.
Confeccionar un cartel explicativo da CDU para facela máis comprensible a tódolos usuarios.
• Préstamo:
O alto índice de participación que ten este servizo indícanos que as cousas van polo bo camiño.Tamén gozan de boa acollida as actividades de préstamo colectivo como son as mochilas viaxeiras e a hora de ler, polo que imos mantelas e se é posible potencialas un chisco máis.
Respecto ás tarefas dos axudantes da biblioteca pretendemos darlles un pouco máis de responsabilidade facendo que vaian aprendendo a manexarse autonomamente no préstamo e devolución de fondos..
DINAMIZACIÓN:
Entre as actuacións que pretendemos levar a cabo destacamos:
• Promover actividades para traballar o proxecto interdisciplinar do centro: “Cangas”.
• Exposicións temáticas de libros, relacionadas co proxecto, con datas sinaladas, novidades, día das letras galegas, día do libro, monográficas,...
• Animación coa mascota.
• Programar charlas e visitas, tanto para tratar o proxecto, como encontros con animadores, autores ou ilustradores, para todos os ciclos.
• Deixar os recreos dos xoves para actividades de dinamización: lectura de produción propia do alumnado.
• Creación dun club de lectura no 2º ciclo
• Celebración en abril do mes dos libros. O día do libro queremos repetir unha actividade cos alumnos e alumnas do 2º e 3º ciclo que se encargarían de apadriñar lectores entre os pequenos na hora do recreo.
• Preparar un recuncho dedicado á personaxe homenaxeada no día das letras galegas.
• Actividades de colaboración coas bibliotecas do entorno.
FORMACIÓN DE USUARIOS-EDUCACIÓN DOCUMENTAL:
• Formar ó profesorado e ó alumnado no uso do OPAC Meiga.
• Preparar actividades de formación de usuarios de distintos niveis e poñelas en marcha en todos os ciclos.
• Preparar visitas a outras bibliotecas escolares.
EDUCACIÓN DOCUMENTAL:
• Recompilar material e documentación, informar e asesorar ó profesorado.
• Fomentar o uso das novas tecnoloxías como fonte de información e aprendizaxe.
• Promover actividades de educación documental, relacionadas co tema do noso proxecto.
• Poñer todos os recursos da BE á disposición da comunidade educativa.
• Continuar coa actividade de “A preguntiña curiosa”.
FOMENTO DA LECTURA:
• Elaboración de guías de lectura e recomendación de libros.
• Confeccionar un boletín de información ás aulas sobre as novidades e recursos dispoñibles na BE.
• Continuar cos cadernos de lectura.
• Continuar coa entrega de incentivos ós alumnos máis lectores: diplomas, medallas, condecoracións,...
• Continuar coas mochilas viaxeiras, distribuíndoas entre todas as aulas do colexio para aqueles que a queiran recibir e traballar nas súas casas.
INTEGRACIÓN NAS ACTIVIDADES DO CENTRO:
• Preparar a BE para que actúe como centro de recursos para desenvolver o proxecto interdisciplinar do centro.
• Apoiar a todo o profesorado nas actuacións necesarias para a consecución das competencias básicas.
• Facer o seguimento do Proxecto Lector.
• Levar a cabo o seguimento e avaliación da hora de ler.
• Elaboración do Plan anual de lectura e dos itinerarios lectores.
• Servir de apoio e soporte material de fondos ás bibliotecas de aula.
BLOG “A MORADA DE BULI”:
• Recoller no blog todas as actuacións levadas a cabo na BE.
• Difundir o noso blog entre toda a Comunidade Escolar e promover a participación e colaboración de todos no seu funcionamento.
AVALIACIÓN:
A avaliación é continua, con reunións periódicas do equipo para coordinar e valorar as actuacións que se vaian realizando.
Faise tamén un seguimento do préstamo con estatísticas mensuais proporcionadas polo programa Meiga.
c) O proxecto interdisciplinar.
As actuacións a realizar para traballar o proxecto deste curso: Cangas, inciden na consecución dos obxectivos do PLC, axudando a mellorar todas as competencias e favorecendo a participación e colaboración de toda a comunidade educativa.
6. RECURSOS.
Os recursos céntranse fundamentalmente na Biblioteca Escolar, tendo unha sección de fondos didácticos ubicados na sala do profesorado.
Ademais a Biblioteca proporciona fondos ás aulas para que dispoñan dunha biblioteca de aula axeitada a cada nivel.
Tamén se utilizan todos os recursos dispoñibles en Internet.
7. IMPLICACIÓN DAS FAMILIAS.
As familias teñen unha boa disposición para participar e colaborar nas actividades do centro.
Contamos con elas para:
Colaboración na lectura en Ed. Infantil.
Participación nas actividades da Biblioteca: mochilas viaxeiras, blog, …
.
Participación nas actividades do Proxecto Interdisciplinar: exposicións, festivais, …
Participación e colaboración nas diferentes celebracións: Samaín, Magosto, Entroidos, …
8. AVALIACIÓN.
Para facer un seguimento e avaliación do Plan Anual de Lectura teremos en conta o seguinte:
• Elaborar unha memoria final recollendo as actividades realizadas.
• Valorar a participación de todos os niveis nas actividades propostas.
• Analizar a repercusión na competencia lectora do alumnado.
• Valorar as actividades e as estatísticas da Biblioteca.