CEIP da Castellana

Ademais das sumas, as restas e o cálculo mental, as táboas de multiplicar constitúen unha das bases fundamentais das matemáticas.

Os cadernos interactivos son unha ferramenta moi útil xa que promoven a creatividade e a orixinalidade, coa finalidade de que as clases deixen de ser aburridas e se active a aprendizaxe visual.

Deste xeito, practicar as táboas de multiplicar cun compañeiro ou cunha compañeira, dálles a oportunidade de traballar o cálculo mental dun xeito máis relaxado, polo que memorizan as operacións mellor, perden o medo ás táboas e gañan confianza.

Aquí vos deixamos unhas imaxes de como estiveron a traballar os nenos e nenas de 2° de Primaria, que ben o pasaron!

A Xunta de Galicia ben de dotarnos 4 paneis interactivos de 75 pulgadas para cada unha das aulas principais do centro (unha para EI, outra para 1º e 2º, outra para 3º e 4º e a última para 5º e 6º). 

Deste xeito mantemos todas as aulas principais cunha total conectividade. Ditos monitores interactivos permiten unha gran funcionalidade táctil, son moi versátiles e facilitan en gran medida a aprendizaxe. 

Os contos son unha ferramenta esencial na educación infantil e primaria, xa que permiten que os nenos/as desenvolvan a súa imaxinación, creatividade e habilidades lingüísticas. O papel do contacontos é crucial neste proceso, xa que é o encargado de transmitir a historia de maneira atractiva e emocionante, mantendo a atención dos nenos e espertando o seu interese pola lectura.

Ademais, os contos son unha forma divertida de ensinar valores e habilidades sociais aos nenos. A través de historias exemplares, os nenos poden aprender leccións de respecto, tolerancia, amizade e colaboración, entre outros aspectos importantes para o seu desenvolvemento emocional e social.

No día de hoxe puidemos gozar dun contacontos para Educación Infantil e 1º e 2º de Primaria, no que entre todos, imaxinamos unhas historias moi divertidas. 

Ao mesmo tempo que escoitamos do conto, foise debuxando. Ao rematar puidemos pintalo e quedou moi fermoso.

Para pechar este segundo trimestre, o alumnado de Educación Infantil estivo a traballar xogos de lingua para dar a benvida á primavera.

Adiviñas, cantigas, trabalinguas e poemas foron as grandes protagonistas das nosas clases estes días. Tantas ganas tiñamos de que chegara o bo tempo, que non se nos resistiu nin a lingua inglesa!

Esta proposta axuda aos nenos e nenas a mellorar a súa linguaxe, a vocalización, así como tamén a súa memoria.

Ademáis, permítelles desenvolver a imaxinación, a súa interese pola lingua e a lectura, sen esquecer valores como o traballo en equipo, o respecto e a tolerancia.

Aquí vos deixamos un vídeo no que podedes comprobar o ben que recitan os pequenos e pequenas nas diferentes linguas. Agardamos que vos guste!

Traballar o medio ambiente en educación primaria é de vital importancia xa que, nesta etapa educativa, os nenos e nenas están nunha etapa de formación da súa personalidade e valores, e é o momento ideal para conciencialos acerca da importancia de coidar e preservar o medio ambiente.

Hoxe compartimos con vos unha imaxe dos alumnos/as de 5º e 6º de Educación Primaria na que podemos ver o gran de area que puxeron para contribuir coa natureza, realizando unha pequena plantación.

A través da educación ambiental, os nenos e nenas poden aprender a ser responsables co medio ambiente e a desenvolver actitudes positivas cara á natureza. Isto permitiralles comprender a importancia de preservar os recursos naturais, reducir o consumo de enerxía e diminuír a contaminación ambiental.