CEIP ADR Castelao

O alumnado das clases que participan no Plan Proxecta "Mascoteir@s" puideron coñecer outra das actividades ou labores que poden desempeñar os cans e cadelas.

Viñeron a visitarnos ao noso centro dous voluntarios da Unidade Canina de Rescate Cans de Salvamento de Galicia (CA.SA.GA.). 

Alejandro Barreiro e Juan Rivas, bombeiros en Ferrol, viñeron acompañados de Arnold (un Border Collie), Anka (unha femia mestura de Pastor Alemán con Pastor Belga) e Thor (tamén mestura de Pastor Alemán con Pastor Belga). Estes cans xa participaron, con éxito, na busca de persoas desaparecidas en Galicia.

A través desta visita, viñeron a ensinarnos parte do seu traballo e ao mesmo tempo, concienciar ao alumnado dos coidados que require calquera mascota, dos riscos que poden ter nos fogares, as obrigas que temos como propietari@s e outras moitas cuestións que agardamos quedasen ben asimiladas polo noso alumnado de cara á súa vida adulta.

Ao rematar a parte máis teórica, fomos ao pavillón polideportivo e alí, entre outros exercicios, fixeron unha exhibición de como buscan a persoas, que desta volta eran alumnos e alumnas agochad@s en colectores do lixo...

Podedes ver parte da actividade nestes enlaces...

- Premendo aquí veredes a Thor en acción.

- Premendo aquí veredes a Anka en acción.

A actividade levantou tanta expectación entre o alumnado que todos e todas quixeron ter un recordo deste día e, grazas á paciencia que tivo Arnold, todas as clases partipantes puideron facer unha fotografía con el e cos seus adestradores.

 

NON ESQUECEREMOS ESTE DÍA!!

 

 

• Outras actividades

Na Biblioteca de Botalerias tivemos a sorte de contar coa visita de Xelis de Toro e pasar con el unha agradable sesión.

Encántannos este tipo de activiades, a través das cales podemos coñecer mellor tanto ao escritor/a coma a obra traballada e fainos ver a lectura dende un punto de vista diferente.

Foi todo un pracer! Moitas grazas por vir ao noso colexio!!

Premede aquí para ver parte da actividade.

 

• Outras actividades
• visitadeescritor@s
• xelisdetoro
• Quen nos visita

Esta semana tivemos noticias de como evolucionan os centos de carballos que fomos plantar ao Monte Galiñeiro, en Vincios; nas terras arrasadas polo lume.

Fixéronnos chegar fotografías do ben que medran e do gran éxito que está a ter "O Bosque d@s Nen@s".

 

Estamos enormemente orgullosos e orgullosas!!

 

• Outras actividades

Os responsables do cuartel da Garda Civil de Brión, (que serán tamén os encargados de traballar o tema do Acoso Escolar no noso centro en vindeiras sesións para familias e alumnado), queren que a través da nosa páxina web, convidemos a todas as familias que o desexen, a asistir a unha exhibición solidaria que terá lugar o vindeiro 8 de maio no pavillón municipal de Brión.

O horario de tarde será de 16:00 a 18:30 horas.

Para asistir, non se cobra entrada, pero dado o carácter solidario da xornada, recollen alimentos ou material escolar para as persoas máis desfavorecidas.

A nós como Centro Educativo, por cuestións organizativas, non nos é posible asistir cos cativos e cativas, pero animávosmos a que as familias que o desexedes, vos acheguedes a coñecer todos os recursos e servizos que ofrecen.

Animádevos a ir!!

 

• Outras actividades