Activ. Biblioteca

O pasado xoves, 26 de febreiro, visitáronnos dúas novas incorporacións da S.D. Compostela: Cristian del Toro, defensa central, e Yacine Quasmi, dianteiro. Respostaron amablemente ás preguntas formuladas polo alumnado, que amosan a relación existente entre o fútbol e as Matemáticas. Firmaron autógrafos e balóns e ata nos fixeron unha pequena exhibición ... Por se fora pouco, regalaronnos entradas para o partido do domingo seguinte e dous alumnos de Ed. Primaria (Ana de 3º e Jose de 4º) fixeron o saque de honra. Foi xenial!!!

Ver fotos na galería

O pasado día 10 de febreiro estiveron no noso cole os contacontos Patri e Álex, da Ed. Kalandraka. Fixeron as delicias do alumnado de Ed. Infantil. Tamén, nos visitou o escritor coruñés Miguel López, máis coñecido polo seu alcume literario "El Hematocrítico". Miguel falounos do seu libro "Feliz feroz", ben coñecido polos alumnos de 1º e 2º de EP. Podedes ver as fotos na galería.

As actividades do Club de Lectura remataron por este curso, pero continuarán no próximo. Como non, quixeron despedirse cunha pequena festa. Podedes ver as fotos na galería.

Co gallo da festividade do Día do Libro fixemos una pequena feira para que os rapaces puidesen intercambiar os libros que tiñan na casa, sempre que estivesen en bo estado. Para facilitar o proceso acuñamos unha moeda propia, o dólar da Sionlla ou "sionllo" adicado ao poeta homenaxeado nas Letras Galegas de este ano, Xosé María Díaz Castro.

Daba gusto ver aos rapaces e rapazas ollando os seus libros novos. Foi todo un éxito!!!! Premede na foto para ver as imaxes na galería.

A escritora pontevedresa Fina Casalderrey estivo de visita no noso cole. Falounos dos seus contos e das historias agochadas detrás deles. Podedes ver as fotos na galería. Estivo xenial!!!!