Escolares, Ed. Infantil, 1º A, 2º A - Blog, 3º Curso, 4º Curso, 5º Curso, 6º Curso, EI 3 anos, EI 4 anos, EI 5 anos, EI Portocubelo, EI O Viso, 2º B

Semana polo Clima

Na vindeira semana do 23 ao 27 de setembro, o colexio participará na actividade extraescolar “Semana por el clima” proposta por “Teachers for future spain”, onde cada día faremos un acto para concienciar ao alumnado do cambio climático. As accións que se farán cada día son as seguintes:

 

Luns 23: “un minuto de silencio pola terra”

 

Martes 24: “levar unha camiseta verde á escola”

 

Mércores 25: “vídeo-forum Before the Flood”

 

Xoves 26: “Facer carteis polo clima”

 

Venres 27: “Parón no recreo cos carteis”

 

 

Poden descargar a nota informativa clicando neste link.

Reciban un cordial saúdo

 

 

 

EQUIPO DE EXTRAESCOLARES DO CEIP DE CARNOTA

 

REVISTA CURSO ESCOLAR 2018-2019

Hoxe puxemos fin a un curso escolar cheo de emocións.  Traballamos, aprendemos e pasámolo moi ben! Para que vos fagades unha idea, na nosa revista escolar deste curso recollemos algúns dos momentos vividos ao longo destes meses. Só tedes que pinchar na imaxe para acceder a ela!

O MAR NA ESCOLA 2019 - XOGANDO CO VENTO

O día18 de xuño fomos a Corcubión para participar nunha actividade levada a cabo pola Escola de Vela Cataventos co obxectivo de fomentar o coidado do medio mariño a través do deporte da vela.

Mirade que ben o pasamos! Picade na imaxe para ver as fotos.

                                                                                          

"REFORMAS" NO PATIO

Aproveitando a participación dalgún do noso alumnado no proxecto "Carnota Amiga da Infancia" , propuxéronse melloras para dinamizar o noso recreo e facer do patio un lugar máis agradable neses momentos de lecer. Algunha desas propostas xa se acadaron e outras aínda están en proceso.

Mirade, mirade ....

                                                                                   

GRUPO DE TRABALLO EMOCIÓNS

Este ano parte do profesorado do CEIP de Carnota e da EEI do Viso fixeron un Grupo de Traballo sobre as Emocións.

Deixámosvos aquí unha pequena mostra:

                                                                                                   

VISITA MAR DA MOROSA

En 6º estudamos os sectores económicos e para iso fixemos unha visita a "Mar da Morosa". Contámosvos aquí como foi a experiencia:

RECREOS DIFERENTES!

Como non todo vai ser fútbol, no noso colexio abrimos as portas a outras alternativas como son a utilización da ludoteca e a realización de zumba. Aquí tedes unha pequena mostra para que vos fagades unha idea do ben que o pasamos: 

 Novos xogos adquiridos

 Monitores/as de zumba

 Pinchade na imaxe para ver o vídeo. Animádesvos a bailar con nós? 

Día Mundial da Síndrome de Down

O pasado 21 de abril conmemoramos no noso centro o Día Mundial da Síndrome de Down. A continuación achegámosvos un vídeo resumo das actividades que levamos a cabo: 

 

Día Mundial do Autismo

O pasado 2 de abril conmemoramos no noso centro o Día Mundial do Autismo. A continuación deixámosvos un vídeo das actividades realizadas ese día e tamén un conto e uns dípticos elaborados polo alumnado de 6º: 

 

 Para ver os dípticos podedes pinchar nos seguintes enlaces:

 

VISITA DE ADISBISMUR

Hoxe contamos no centro cunha agradable visita por parte da asociación ADISBISMUR (Asociación de Discapacitados da Bisbarra de Muros) que nos trouxo tres marabillosas obras de teatro para representar.

Para o alumnado de Educación Infantil e os primeiros cursos de Educación Primaria (1º, 2º e 3º) as obras que representaron foron dúas: "A ratiña presumida" e "Orellas de bolboreta". Para os restantes cursos de Educación Primaria (4º, 5º e 6º), representaron outra obra diferente titulada: "Que apostamos?".

Sen lugar a dúbidas resultou ser unha experiencia moi positiva e enriquecedora para o centro. Por iso, dende o CEIP de Carnota queremos felicitar a esta asociación polo gran traballo realizado, así como tamén agradecerlle a súa colaboración con nós.

DÍA DO LIBRO

Como cada ano por estas datas celebramos o Día do Libro (23 de abril) cunha actividade que denominamos "Ler na rúa".

Cada curso preparou un conto para deleitar a todo aquel que quixese coa súa lectura. Estivemos por distintas zonas de Carnota: prazas, Hórreo, Igrexa... A continuación deixámosvos algunhas imaxes da celebración, á que se uniron tamén as familias do alumnado: 

 

 

 

 

  

 

 

 

ENTROIDO CHEO DE EMOCIÓNS!

Cargados de emocións celebramos o Entroido este ano no CEIP de Carnota! Partindo do conto "O monstro de cores", cada curso representou unha emoción co seu disfraz. Tivemos monstros con rabia, monstros confusos, cupidos, corazóns, bruxas, monstros, pantasmas, hawaianos, emoticonas alegres... 

Comezamos o día realizando un desfile polas rúas de Carnota para lucir os nosos disfraces. Aquí vos deixamos unhas imaxes: 

 

 

 

 

 

 

A continuación rematamos cunha actuación conxunta no salón de actos: 

  • 1º representou a alegría:

  • 2º e 3º representaron o medo:

 

  • 4ºA e 4ºB representaron a rabia:

  • 5º representou a tristeza:

  • 6º representou a calma:

 

 

DÍA DE ROSALÍA

O 24 de febreiro é unha data sinalada xa que celebramos o día da autora galega Rosalía de Castro. Para celebralo o alumnado do noso centro acudiu á praza da vila a recitar algún poema desa autora e expoñer os carteis que elaboraron sobre as temáticas que neles se trataban. 

A continuación deixámosvos algunhas imaxes da acto:

 

 

 

 

 

 

 

BO NADAL DENDE O CEIP DE CARNOTA!

Hoxe foi un día moi emocionante no CEIP de Carnota. Comezamos a mañá recibindo a visita de Papá Noel acompañado de todas as súas axudantes. Todos os cursos pasaron entregarlle a súa carta e pedirlle os seus desexos. Marcharon cargados de lambetadas! Que sorte! Aquí vos deixamos unhas imaxes: 

 

 

 

 

 

 

Despois, fixemos entrega dos premios das adiviñas de Nadal que estivemos realizando ao longo destas últimas semanas:

   

Para rematar, escoitando as badaladas, cambiamos as 12 uvas por 12 gusanitos e xa lle demos a benvida ao novo ano para comezalo á volta con moita sorte! FELICES FESTAS E BO NADAL DENDE O CEIP DE CARNOTA! VÉMONOS NO 2019!

 

 

 

3 DE DECEMBRO NO CEIP DE CARNOTA

O pasado 3 de decembro tamén celebramos no noso centro o Día Internacional da Discapacidade. Organizamos diferentes talleres en relación coa temática do día e o alumnado distribuído en grupos ía rotando por todos eles realizando as actividades. Aquí vos deixamos un pouco máis de información sobre os talleres acompañada dalgunhas imaxes: 

1) DILLO SEN PALABRAS: Este taller consistía en empregar a mímica e describir sen falar a palabra que aparecía na pantalla. O obxectivo era que calquera dos compañeiros que estaban de costas conseguisen adiviñala. 

  

 

 

2) CALA QUE NON TE ESCOITO: Unha persoa facía un son cun instrumento e escondíase nunha parte da clase. Unha ou dúas persoas diferentes cos ollos tapados tiñan que guiarse polo son que escoitaban e tratar de atopala.

 

3) CHEIROS QUE PINTAN: Cos ollos tapados e guiándose polo cheiro tiñan que elixir a cor coa que querían pintar. Previamente mesturamos as cores con diferentes esencias.

 

   

 

4) HISTORIAS QUE EMOCIONAN: Neste taller procedemos ao visionado de pequenos curtos que estivesen relacionados dalgún xeito coa temática do día.

5) OS TRES PÉS: O alumnado en parellas e con un dos pés atado ao doutra persoa tiña que mover certos obxectos dun lado ao outro. 

 

 

6) MANUALIDADES COMPARTIDAS: Cunha das mans libre e a outra atada á doutra persoa tiñan que levar a cabo unha manualidade.

  

 

Powered by Drupal - Design by artinet