Blogue de crissap

Despois dunha longa temporada de chuvias, por fin volveu o sol!    e isto permitiunos comezar cun novo proxecto que levaremos a cabo ao longo de todo o curso: “Proxecto de investigación sobre a influencia dos raios solares sobre a Terra”.

A investigación consiste en medir a sombra que proxecta un pau no centro da pista de fútbol e rexistrar os datos recollidos. Dita medición realizarase sempre ás 12:30 h.

Antes de comezar a medición da sombra, reflexionamos sobre cales eran os factores a ter en conta para poder comprender a influencia dos raios solares sobre a Terra: os movementos de Terra, inclinación do eixe terrestre, afelio e perihelio, solsticios e equinoccios...

Unha vez rexistradas as medicións durante todo o curso, observaremos os cambios e chegaremos a distintas conclusións. 

NUNS MESES COMPARTIREMOS CON TOD@S VÓS AS CONCLUSIÓNS ÁS QUE CHEGAMOS

ATA PRONTO!

Esta mañá tivemos unha charla moi especial!

Visitáronnos dous axentes da POLICÍA NACIONAL para falarnos do ACOSO e o CIBERACOSO.

Esta charla está dentro do PLAN DIRECTOR, impulsado dende a Delegación do Goberno de Galicia, para a convivencia e a mellora da seguridade nos centros educativos e na súa contorna.

Ten como finalidade previr calquera risco que afecte á seguridade e benestar dos mozos e mozas, na escola ou no seu entorno.

A partir dun vídeo inicial e das explicacións de Antón e Miguel,  reflexionamos sobre moitas conductas que poden darse nos centros educativos e que está na nosa man evitar, para non chegar a danos maiores.

NON PERMITAMOS QUE NINGUÉN SUFRA!!