Blogue de crissap

OBRADOIRO RADIO AND PODCAST

Mér, 01/05/2024 - 19:00 — crissap

O pasado mércores 24 de abril, o alumnado de 5º foi partícipe dun divertido obradoiro de Radio and Podcast. Para iso, contamos coa presenza de Damián Alonso de PONTE...NAS ONDAS!

Na primeira parte da mañá aprendemos técnicas de voz, realizamos exercicios de vocalización, lectura avanzada, trabalinguas.... e mesmo elaboramos, por parellas, o noso propio GUIÓN a partir dunha ESCALETA.

Na segunda parte da mañá, converténdonos en locutor@s de radio e técnic@s de son.

Ollade o ben que o pasamos!

MOITAS GRAZAS, DAMIÁN, POR ESTA MAÑÁ TAN DIVERTIDA E PROVEITOSA!!

Clicade no ADXUNTO para escoitar o podcast.

1 adxunto

DRAGÓNS POLO LÉREZ

Sáb, 20/04/2024 - 20:18 — crissap

O pasado 19 de abril, o alumnado de 5º visitou a Escola de Piragüismo Cidade de Pontevedra e navegou a bordo dun DRAGÓN.

Comezamos a xornada visitando as instalacións da Escola de Piragüismo e, despois duns exercicios de quecemento, pasamos unha solleira e refrescante mañá navegando polo Lérez ao ritmo dos tambores.

SEN DÚBIDA, FOI UNHA EXPERIENCIA INOLVIDABLE!

CHARLA INFORMATIVA: LGTBIQ+

Xov, 04/04/2024 - 19:36 — crissap

Hoxe, o alumnado de 5º de primaria, tivemos unha charla informativa sobre

LGTBIQ+ impartida por persoal especializado da “Cruz Vermella”.

Todos sabemos que a diversidade está presente na nosa sociedade, e é por iso

que precisamos unha xuventude moito máis respectuosa e inclusiva.

Día Internacional del Orgullo LGTBIQ+ 2023 | www.casamerica.es

Ao longo da sesión, ademais de aprender diferentes termos, sensibilizámonos

co colectivo LGTBIQ+ para así previr posibles delitos de odio no futuro, que

lamentablemente están aumentando a día de hoxe.

CONSTRUAMOS UNHA SOCIEDADE MÁIS

EQUITATIVA, IGUALITARIA E XUSTA!!

OBRADOIRO: EDUCACIÓN PARA A SAÚDE

Ven, 22/03/2024 - 15:06 — crissap

O alumnado de 5º participamos nun obradoiro de Educación para a Saúde, impulsado polo Concello de Pontevedra.

A través de dúas sesións de 100 minutos de duración, abordáronse cuestións como as habilidades sociais, a resolución de conflitos, a empatía, a educación emocional ou a autoestima.

Grazas a Carolina, especialista que impartiu o obradoiro, reflexionamos xuntos sobre moitos aspectos fundamentais para ter un correcto crecemento persoal. Ademais, en cada unha das sesións, a charla estaba acompañada de divertidas actividades e xogos para traballar o aprendido.

APRENDEMOS MOITÍSIMO E PASÁMOLO XENIAL!

AGARDAMOS REPETIR O VINDEIRO CURSO!

UNHA VISITA MOI ESPECIAL

Mér, 13/03/2024 - 21:39 — crissap

O pasado 7 de marzo, co gallo do Día Internacional da Muller e englobado dentro do Proxecto das Olimpíadas, tivemos a gran sorte de recibir no noso colexio a dúas piragüistas internacionais que participarán nas vindeiras olimpíadas en París: CAROLINA GARCÍA e SARA OUZANDE.

Contáronnos, a partires de vídeos e imaxes, como foi a súa traxectoria profesional como mulleres deportistas e o importante que é o esforzo á hora de conseguir os nosos soños.