Na Biblioteca con Héctor Lorenzo Piñeiro
Unha nova animación á lectura, desta do músico Héctor Lorenzo Piñeiro, que nos interpretou cancións do seu libro-disco Cousas de papá. Preme no enlace para veres a reportaxe fotográfica cos nenos de 6ºEI,1ºEP e 2ºAEP.
Saída de 4º a Santiago de Compostela
O martes pasado, 28 de marzo, o alumnado de 4º EP realizou unha saída a Santiago de Compostela. Na capital do país visitaron o Museo Pedagóxico de Galicia, deron unha volta polas rúas da cidade e finalmente pararon a xantar no comedor Monte da Condesa. Preme no enlace para ver as fotos do día.
6º no CIFP Ferrolterra
O Departamento de Orientación do CEIP A Solaina programou e levou a cabo unha saída do alumnado de 6º de EP ao CIFP Ferrolterra. A visita efectuada o 23 de marzo encádrase no Programa Atrévete no marco do Plan eduemprende, que desenvolve actividades de fomento do emprendemento para Educación Primaria. Tras a benvida, o alumnado de 6º asistiu a unha charla sobre viveiros de empresas nos centros educativos e diversas experiencias emprendedoras en Ferrol. Finalmente fíxose unha visita guiada ao CIFP e ao seu Viveiro de empresas. Se queres ver a reportaxe fotográfica pincha no enlace.
Héctor Cajaraville na Biblioteca
Hoxe, 23 de marzo puidemos asistir á animación á lectura desenvolida polo escritor Héctor Cajaraville. O alumnado de 4º de EP asistiu atentamente á animación relacionada co seu libro Quen dá a quenda? Preme no enlace se queres ver a reportaxe fotográfica.
IV CONCURSO DE DEBUXO ESTARRECEDOR "PASÁMOLO DE MEDO"
Para ver os debuxos premiados preme aquí.
Visita de Manuel Rivas
Hoxe, 8 de marzo, Día Internacional da Muller, fomos testemuña do bo facer do escritor Manuel Rivas. O alumnado de 5º participou na Biblioteca da Solaina dun achegamento á literatura e ao seu libro Bala Perdida. Preme no enlace se queres ver as fotos do evento.
Entroido 2017
Pincha no enlace para ver as fotos do desfile.
O 24 de febreiro, venres, celebramos o Entroido no cole da Solaina. Coma outros anos, realizamos un pasacalles polo barrio da Solaina. A saída será as 10:00 horas. O percorrido será o que aparece no plano. Pregamos as familias que non se metan no medio do desfile para procurar que non se retrase.
CANTIGA DO ENTROIDO
Se queres escoitar a cantiga preme no título.
Piripipi, Piripipi.
O Antroido xa chegou, bis
o Antroido xa está aquí
Aí veñen eses indios,
seguidos polos exipcios.
Os hippies con tantas cores,
os hippies con tantas cores
reparten bicos e flores.
Piripipi, Piripipi.
O Antroido xa chegou, bis
o Antroido xa está aquí
Chegamos os da prehistoria,
avanzamos ata Roma.
Cabaleiros e castelos,
cabaleiros e castelos.
Atopamos o medievo.
Piripipi, Piripipi.
O Antroido xa chegou, bis
o Antroido xa está aquí
Navegando os viquingos
chegaron ata a Solaina.
Os incas os esperaban,
os incas os esperaban
pra comer a laconada
Piripipi, Piripipi.
O Antroido xa chegou, bis
o Antroido xa está aquí
- « primeira
- ‹ anterior
- …
- 24
- 25
- 26
- 27
- 28
- 29
- 30
- 31
- 32
- …
- seguinte ›
- última »