Skip to Content
Balea s/n O Grove (Pontevedra) CP:36988 Tfno: 886 151 972 ceip.asbizocas@edu.xunta.gal

LETRAS GALEGAS 2023

Mércores 25 de maio de 2023

Este ano celebramos o Día das Letras Galegas en colaboración co CEIP Comeniño.

Así, ciclo elaborou un mural con actividades sobre Francisco Fernández del Riego, o autor homenaxeado deste ano. Estes murais con tarefas, imaxes, vídeos, xogos, retos... viaxaron ata o CEIP Comeniño, onde alí realizaron as actividades que lle propuxemos. Do mesmo xeito, eles realizaron outros murais para que nós puidesemos desfrutar e aprender. 

Aquí vos deixamos algunhas fotos creando os nosos murais e aprendendo cos que nos enviaron os nenos e nenas do CEIP Comeniño. Foi toda unha experiencia!

Clicade na imaxe para ver máis!

 

VISITA AO INSTITUTO

Mércores 24 de maio de 2023

Como cada ano, antes de ramatar o curso, o alumnado de 6.º de Primaria realizou a visita ao I.E.S. As Bizocas, o noso centro adscrito. Na visita, coñeceron as instalacións, recibiron información de interese sobre a organización e funcionamento, etc. para facilitar o tránsito da etapa primaria á secundaria.

 

SOLICITUDE BECAS NEAE

No BOE do 26 de abril saiu a convocatoria de axudas para alumnado con necesidade específica de apoio educativo. Poderedes solicitar esta beca no caso de que o fillo/a asista o próximo curso 23/24 a algún gabinete para reeducación pedagóxica ou da linguaxe con algún logopeda ou pedagogo privado e que lles supoña o abono dunha cuota mensual.

As familias que o soliciten deben tramitalo por internet na seguinte dirección www.educacionyfp.gob.es:

  • Deberán acceder co DNI e o controsinal do curso pasado.
  • Se é a primeira vez que solicitan beca deberán rexistrarse, se é posible, co DNI do alumno/a.

O prazo para solicitar as becas vai do luns 8 de maio ata o 20 de setembro. A documentación presentarase no colexio xunto co informe do centro no que van solicitar terapia así como o impreso co número de conta do alumno/a facilitado pola entidade bancaria 

FONDO SOLIDARIO DE LIBROS DE TEXTO E AXUDAS PARA ADQUISICIÓN DE LIBROS DE TEXTO E MATERIAL ESCOLAR CURSO 23/24

No DOG do 19/05/2023 publicouse a ORDE do 10 de maio da Consellería de Cultura, Educación, Formación Profesional e Universidades que regula, para o curso 23/24:

- A participación no fondo solidario de libros de texto do alumnado que se matricule en 3º e 4º E.Primaria.

- A convocatoria de axudas para adquirir libros de texto para o alumnado que se matricule en 1º e 2º E. Primaria.

- A convocatoria de axudas para adquirir material escolar destinadas a todo o alumnado de E. Primaria.

 

O prazo de solicitudes vai do 20 de maio ata o 21 de xuño, incluído.

Terán acceso ao formulario da solicitude na aplicación informática "Fondolibros" (https://www.edu.xunta.gal/fondolibros/) , onde deberán cubrir os datos. Poderá presentarse por vía ELECTRÓNICA, a través da sede da Xunta de Galicia (https://sede.xunta.gal/detalle-procedemento?codtram=ED330B) (de facela por vía electrónica será necesario tramitar unha solicitude por cada alumno/a, aínda que estean admitidos no mesmo centro).

Tamén se poderá cubrir a solicitude que poderedes recoller no centro ou descargala da aplicación e presentala PRESENCIALMENTE

Teñen toda a información na Orde de Convocatoria:

https://www.xunta.gal/dog/Publicados/2023/20230519/AnuncioG0655-100523-0001_gl.html

LISTAXE DEFINITIVA ADMITIDOS CURSO 23/24

A totalidade do alumnado matriculado neste centro para o curso 23/24 foi admitido.

Podedes consultar a LISTAXE DEFINITIVA no taboleiro do centro ou a traves da aplicación admisionalumnado.

PATIOS ACTIVOS

       Seguimos cos patios activos! Propoñendo actividades para que os patios sexan máis inclusivos e participativos para todos e todas.

PATIOS ACTIVOS

O CENTRO RECIBE O RECOÑECEMENTO DISTINTIVO VIOLETA

Luns 30 de xaneiro de 2023

A Asociación Forgender Seal e a Plataforma Unitaria Contra As Violencias de Xénero certificou que o noso centro educativo superou os criterios de igualdade social, xénero e diversidade que aseguran o seu compromiso cunha educación igualitaria para todos e todas.

 

 

PROMOCIÓN DE HÁBITOS DE VIDA SAUDABLE

- Contextualización legal segundo o Decreto de Educación Primaria en Galicia - 

Dende a área de Educación Física, gustaríanos mostrar un breve resumo das indicacións de promoción de estilos de vida activo e saudable indicados polo Decreto 155/2022 polo que se establece o currículo de Educación Primaria en Galicia.

É a nosa labor como centro educativo fomentar os hábitos saudables no alumnado.

PROMOCIÓN DE HÁBITOS DE VIDA SAUDABLE

PLAN DIXITAL

Estimadas familias

 

Achégase adxunto o Plan Dixital do Centro.

 

 

CIRCULAR A.N.P.A

Estimadas familias,

Podedes consultar nos documentos adxuntos información relativa á A.N.P.A. trala reunión mantida o martes 27, así como o documentos de inscrición para ser socio/a.

Distribuir contido


by Dr. Radut