Outras actividades

Xoves 29 de xuño de 2023

Aquí tedes o último número da nosa revista escolar. Esperamos que vos guste!

Premede na imaxe para acceder.

Martes 20 de xuño de 2023

E chegou o día tan esperado para o alumnado de 4.º, 5.º e 6.º de Primaria... A EXCURSIÓN DE FIN DE CURSO A MARCELLE.

Este ano foi unha saída especial porque a realizaron de forma conxunta co alumnado do C.E.I.P. Manuel Mallo Mallo (Lugo), co que ao longo de todo o curso realizaron un intercambio lingüístico.

Despois dunha longa viaxe, chegaron ao colexio de Lugo, onde os agardaban con estusiasmo para darlles a benvida. Tras unha merenda, un tempo de xogo e o intecambio de cartas puxeron rumbo todos xuntos ao parque natural Marcelle Natureza. Aí divididos en grupos comezaron vendo algúns animais antes da hora de xantar. Pola tarde visitaron a reserva onde viron diferentes especies de animais e realizaron tiro con arco.

Sen dúbida foi unha bonita experiencia na que fixeron moitas amizades.

Premede aquí para acceder ao álbum:

M A R C E L L E

Martes 13 de xuño de 2023

Hoxe tivo lugar unha das actividades máis desexadas por parte do alumnado... A EXCURSIÓN DE FIN DE CURSO!!!!!

Nesta ocasión puxemos rumbo á illa de Cortegada, declarada Parque Nacional no ano 2002.

Comezamos facendo unha viaxe en autobús para chegar ao porto de Carril onde nos agardaban unhas lanchas que nos levaron ata Cortegada.

Alí, cos monitores Luis e Alba, coñecemos a misteriosa e curativa illa. Percorremos a Ermida dos Milagres, os restos da vila, as súas praias, os bosques de loureiros, salgueiros, carballos, ameneiros...

Despois de comer, tiñan organizados varios xogos cos que coñecemos parte da fauna mariña a través das cunchas dalgúns animais (vieiras, centolas, ameixas, berberechos, ovos de manta raia, etc.).

Á volta collemos unha boa molladura, xa que comezou a chover con forza. Pero pasámolo tan ben que ata desfrutamos do chaparrón!

Premede aquí para ver o vídeo!!!

Venres 19 de maio de 2023

Ao longo deste curso 2022/2023 o alumnado de 4.º, 5.º e 6.º de Primaria está inmerso nun intercambio lingüístico, organizado polo Equipo de Dinamización de Lingua Galega, cos nenos e nenas do CEIP Manuel Mallo Mallo  cos que se cartearon en diversas ocasións intercambiando experiencias, anécdotas, historias...

Despois de varias correspondencias tiveron a sorte de poder coñecerse en persoa, xa que o centro educativo de Lugo realizou unha saída á nosa localidade, podendo ensinarlle lugares como a Siradella, a praia da Area da Cruz, o noso cole... entre outros. 

Pero... este intercambio non rematou nesta xornada, xa que o vindeiro 20 de xuño será o alumnado do CEIP As Bizocas quen visite ao alumnado de Lugo.

Foi unha xornada divertida na que se coñeceron e pasárono moi ben!

Pinchade na imaxe para ver máis!

Martes 16 de maio de 2023

Na mañá deste martes, todo o alumnado do centro puxo rumbo á Casa da Cultura de San Vicente para asistir a unha actuación do mago Paco.

Os trucos combinaban a maxia coa igualdade de xénero, o valor das mulleres en diferentes ámbitos da vida...

Houbo algúns nenos/as que tiveron a sorte de participar nos trucos e converterse en verdadeiros magos e magas.

Fixérono xenial e pasámolo moi ben!

Premede aquí para ver o vídeo