CEIP A RÚA

ESTOS DÍAS AS FAMILIAS TRABALLARON MOITO!!!

ACOMPAÑADOS POLAS PROFES, DERON OS ÚLTIMOS RETOQUES ÓS DISFRACES PARA OS MÁIS PEQUENOS DO COLE.

 GRAZAS A TODOS/AS POR COLABORAR .O DÍA DO ENTROIDO XA COMPROBAREDES O LUCIDOS E VIAXEIROS QUE QUEDARON.

Inicio do procedemento de admisión de alumnado en centros docentes sostidos con fondos públicos para o curso 2015/2016:

De acordo cos prazos establecidos na disposición adicional primeira da Orde de 12 de marzo de 2013, que regula o procedemento de admisión, publícanse os formularios de solicitudes para o curso 2015/16, en galego e castelán.

Toda a información no enlace da Consellería.

 Prazos:

• Solicitude de admisión e entrega de documentación: do 1 ao 20 de marzo.
• Presentación de documentación adicional se hai que baremar: do 23 de marzo ao 14 de abril.
• Publicación de listas provisionais de admitidos e non admitidos: antes do 25 de abril.
• Reclamacións ás listas provisionais: do 27 de abril ao 4 de maio.
• Publicación de listas definitivas de admitidos e non admitidos: antes do 15 de maio.
• Formalización de matrícula: do 20 ao 30 de xuño.

Documentación necesaria:

• Impreso de solicitude de admisión (recóllese en Conserxería)
• 2 fotografías tamaño carné.
• Fotocopia do libro de familia ou do DNI
• Certificado médico ou fotocopia da cartilla de vacinas
• Fotocopia da cartilla da seguridade social ou seguro do/a neno/a
• Certificado de matrícula do centro de procedencia, de ser o caso
• Certificado de empadroamento (só no caso de baremar)

Información de interese:

• Cada alumna e alumno só pode presentar unha única solicitude no centro no que solicite praza en primeiro lugar, advertindo que a infracción determinará a perda dos dereitos de prioridade que poidan corresponderlle.
• O alumnado que ten garantía de permanencia nun centro, se presenta solicitude de admisión noutro distinto deberá comunicalo, ao mesmo tempo, ao centro de orixe.
• Que o alumnado que ten reservada praza nun centro, se presenta solicitude de ad­misión noutro distinto deberá comunicar a renuncia á reserva antes do inicio do prazo de presentación de solicitudes de admisión.

Lexislación de referencia:
Decreto 254/2012 do 13 de decembro (DOG 26/12/2012)
Orde do 12 de marzo de 2013 (DOG 15/03/2013)

OFERTA DE PRAZAS NO CEIP A RÚA

EDUCACIÓN INFANTIL

• 4º de Educación Infantil (3 anos): 22 prazas + 3 para n.e.e.

• 5º de Educación Infantil (4 anos): 4 prazas

• 6º de Educación Infantil (5 anos): 5 prazas

EDUCACIÓN PRIMARIA

• 1º de Educación Primaria: 1 praza para n.e.e.

• 2º de Educación Primaria: 5 prazas

• 3º de Educación Primaria: 10 prazas

• 4º de Educación Primaria: 2 prazas

• 5º de Educación Primaria: 2 prazas

• 6º de Educación Primaria: 1 prazas

Séguenos no Blog "Piensa, crea... ¡Acción!

O Instituto Nacional de Tecnoloxías Educativas e Formación do Profesorado (INTEF) concedeunos o proxecto "Pensa, crea... ¡Acción" para este curso 2014-2015 (ver convocatoria pinchando na imaxe).

  A tal efecto creamos o Blog "Piensa, crea... ¡Acción! para rexistrar as actividades desenvolvidas neste proxecto.

 As tecnoloxías audiovisuais comprenden aqueles medios e dispositivos que combinan a imaxe e o sonido para a transmisión da mensaxe. A través delas, as tres escolas pretendemos mellorar a formación do alumnado e cohesionar a comunidade educativa seguindo unhas liñas básicas de actuación:

 - Formación do alumnado: coñecementos curriculares, linguaxe audiovisual, competencias clave, coñecemento doutras realidades sociais, formación integral da persoa.
 - - Formación do profesorado: intercambio de experiencias, aprendizaxe entre iguais, mellora da competencia audiovisual, innovación metodolóxica, traballo interdisciplinar.
 - Formación das familias no uso das novas tecnoloxías e prevención de riscos en internet.
 - Inclusión das familias no proceso educativo dos fillos.
 - Repercusión do proxecto no entorno máis próximo do centro.

 Estas liñas de actuación estarán presentes nas temáticas comúns e específicas que cada centro desenvolverá coa súa comunidade educativa.

A semana previa ás vacacións de Nadal os Bombeiros visitaron o noso colexio e explicáronnos como traballan.

O venres 16 de xaneiro tivemos a visita dunha muller garda civil que nos falou sobre a violencia de xénero.

Falounos dos distintos tipos de maltrato que hai como, por exemplo, físico, psicolóxico ou emocional, sexual...Tamén nos contou que antigamente aos homes pagábanlle máis que ás mulleres por facer o mesmo traballo, e que aínda hoxe pasa iso. Eran as mulleres as que tiñan que facer todos os traballos da casa mentras os homes sentaban no sofá ou ían ao bar. Comentounos que a xente pensa que é moito máis grave o maltrato físico que o psicolóxico pero é igual de grave.

Unha compañeira contou que no seu edificio uns veciños pasaban a maioría do tempo berrando e, que para poder durmir, tiña que subir a música.

En definitiva que entre todos/as temos que loitar para que a desigualdade de xénero desapareza, e temos que aprender a respetarnos entre nós.

(Autora: Mar)

 Neste curso, as viaxes son as protagonistas no CEIP A RÚA, pois foron elixidas para o "tema núcleo". Elas son o motivo para a nosa felicitación de Nadal.

Chega o número 18 de Ollos de aula, a revista que edita a CGENDL para as familias do alumnado:

• Descarga: http://www.coordinadoraendl.org/limiar.php?pax=ollosdeaula/ollosdeaula.html
• Correo de contacto: ollosdeaula@gmail.com
• Subscrición: http://coordinadoraendl.org/lists/?p=subscribe&id=2

Nesta derradeira entrega do ano, Belén Escariz Ferrín, mestra de Infantil no CEIP Quintela de Moaña, analiza o primeiro ano de escolarización dos pequenos/as, entanto que Mª Sonia Fernández Casal, profesora no IES Fontexería de Muros, reflexiona nun artigo sobre diversos aspectos da educación masculina que teñen unha grande influencia na reprodución do sexismo, e a psicopedagoga Lines Salgado dá a coñecer outra das numerosas siglas que empregamos no ensino, o RRI. Gracia Santórum achega coma sempre propostas de lectura e ocio que hai ter moi en conta.

Ollos de Aula. Nº 18. Versión para imprimir en A4 a dobre cara by cendl

A CGENDL pon unha vez máis á disposición de todas e todos vós un monográfico dedicado á temática do Nadal: http://coordinadoraendl.org/nadal/index.php. Esta páxina especial contén unha escolma de recursos e materiais elaborados por docentes, equipos de normalización lingüística, centros escolares, institucións e asociacións, tales como unidades didácticas, actividades en liña, manualidades, vilancicos, contos, o refraneiro, propostas de agasallos en galego, etc. Coma sempre, agardamos que este contedor de recursos vos sexa de proveito nas aulas e pedímosvos a vosa colaboración para achegar novos recursos que compartir coa comunidade educativa, recursos que seguiremos subindo nestes días vindeiros.

OLA VIAXEIROS!    ESTOU CONTENTÍSIMO, TEÑO UNHA GRAN NOVA!

A finais do curso pasado enviouse dende o centro o proxecto "Viaxe polo Universo" para participar no Concurso de Traballos por Proxectos, convocado pola Dirección Xeral de Centros e RRHH, no contexto do Plan LÍA de bibliotecas escolares  (Lectura, Información, Aprendizaxe) para experiencias levadas a cabo durante o curso 2013/2014
PROXECTOS PREMIADOS BIBLIOTECAS ESCOLARES 2013/2014

VISITA O PROXECTO "VIAXE POLO UNIVERSO" REALIZADO POLOS ALUMNOS DE 6º DE PRIMARIA

A CGENDL está organizando unha campaña que trata de poñer en valor ante a sociedade o coñecemento e uso que fan da lingua no día a día os e as galegofalantes máis novos.