Bo día !
Que tal vos foi onte na Baño-Praia?
Hoxe parece que tamén fai un día fantástico. O sol a entrar pola xanela invítanos a plantar unha pequena horta... .
Aí vai a proposta de hoxe:
Elixe seis tarros de cristal.
-
Introduce dentro de cada tarro sementes de lentellas, fabas e garavanzos, de maneira que teñades dous tarros con lentellas, dous con fabas e dous con garavanzos.
-
En cada tarro colocamos un pouco de algodón ou tecido e humedecémolo, OLLO só ten que estar un pouco húmido, non moi mollado, non é preciso regalos todos os días.
-
Collemos tres tarros, un con lentellas, outro con fabas e o terceiro con garavanzos. Situámolos perto dunha xanela.
-
Dos outros tres tarros, un introducímolo nunha caixa fechada, sen luz, e mantemos a semente húmida, o outro colocámolo perto da xanela, ao aire pero non o regamos nunca e o terceiro regámolo todos os días.
- Observade que é o que pasa coas diferentes sementes.
- Que pensades que vai pasar con cada unha das sementes?
- Terán todas o mesmo aspecto?
- Canto pensades que poden chegar a medir? (introducide un pauciño dentro do bote e facede unha marca).
Familias se conseguides facer esta experiencia coas vosas nenas e nenos pois xenial, se non, xenial tamén, de seguro que estades desenvolvendo funcións fundamentais para o benestar do voso entorno e isto facilita o benestar das vosas fillas e fillos.
Se convivides con nenas e nenos maiores podedes propoñer:
- Que escriban os nomes das sementes nos tarros
- Que escriban o que pensan que sucederá coas diferentes sementes (gardade estes escritos para comprobalos posteriormente).
- Que marquen todos os días nos pauciños as medras das plantas... .
Se queredes enviar fotos da vosa horta particular, ou comunicarvos comigo, podedes facelo a través do correo rociocandalescovid19@gmail.com.
Que pasedes un bo día!!
