NON AOS RECORTES EN EDUCACIÓN
Ola a tod@s,
Este días están a aparecer nos medios de comunicación as convocatorias de mobilizacións dos estudantes durante toda esta semana. Tamén está difundido o apoio que a Confederación Estatal de ANPAs presta a estas mobilizacións, e especialmente a petición que fai ás familias para que mañá XOVES 18 non mandemos aos nosos fillos e fillas ó colexio. A federación de ANPAs de Compostela, na que a nosa ANPA está integrada, ten unha postura común que se concreta nos seguintes puntos:
- Apoiamos totalmente as reivindicacións que están a motivar as mobilizacións que se están levando a cabo.
- Rexeitamos o novo anteproxecto de Lei educativa recentemente presentado.
- Estamos en completo desacordo con calquera recorte que se realice na educación pública.
No que atinxe á convocatoria do XOVES 18, ANIMAMOS a todas as familias á participación non enviando os nenos e nenas á escola e asistindo ás mobilizacións ás que poidan asistir (comunicaremos en canto se coñeza os lugares e horarios onde se realizarán).
Un saúdo Xunta directiva da ANPA Apóstolo Santiago.
