O TEMPO MADE IN BUEU
INVESTIGANDO SOBRE O CLIMA
Enviado por Anónimo o Dom, 26/06/2022 - 18:08Como cada ano, o alumnado de sexto realizou investigacións sobre diferentes temáticas.
Aproveitando a experiencia que temos no cole sobre meteoroloxía, unha das temáticas escollidas foi O CLIMA.
Despois dunha coidadosa selección da información e da elaboración da presentación en formato dixital, o alumnado gozou da exposición do traballo e aprendeu moito sobre os diferentes tipos de climas, tipos de nubes, os diferentes tipos de paisaxes segundo o clima… Unha gran aprendizaxe para tod@s!
O TEMPO EN BUEU
Enviado por Susi Fernandez o Dom, 19/06/2022 - 21:16Nas dúas primeiras semana de abril, tocounos por segunda vez neste curso ir a recoller os datos á caseta meteorolóxica, e esa experiencia sempre nos emociona!
Ademáis, os de 3ºA, aproveitamos para realizar un recopilatorio de refráns meteorolóxicos e outro de instrumentos de recollida de datos. Tamén comparamos o tempo deste mes de marzo de 2022 co mesmo mes do ano pasado cuns climogramas, feitos por equipos.
Ollade o seguinte vídeo!
E os de 3ºB realizaron un traballo sobre os diferentes instrumentos meteorolóxicos:
O TEMPO EN 5º INFANTIL
Enviado por Marta Valbuena o Ven, 03/06/2022 - 09:39Deixamos aquí unha mostra do traballo sobre meteoescolas que fixemos este curso nas aulas de 4 anos.
Cada día rexistramos o tempo atmosférico no noso calendario e ao rematar o mes analizamos os datos recollidos. Desta forma practicamos tamén o conteo e a numeración.
Foi unha actividade moi enriquecedora!
OBSERVANDO O CEO EN PRIMAVERA
Enviado por Marta Valbuena o Xov, 02/06/2022 - 19:25Durante os meses de abril e maio, ao alumnado de 2º tocoulle recoller de novo os datos da estación meteorolóxica e anotalos no rexistro diario da escola. Para completar esta actividade, o profesorado invitou ás familias a observar o ceo de primavera e tratar de inmortalizar algúns dos fenómenos que se producían.
Posteriormente, nas aulas, clasificamos esas imaxes segundo os fenómenos observados. Con toda a información recollida creamos un VÍDEO que podedes ver premendo nesta imaxe:
Gozade do ceo de Bueu!
ANTONIO GARCÍA TEIJEIRO NOS VISITA!
Enviado por Marta Valbuena o Dom, 29/05/2022 - 11:16Onte tivemos no Bibliocastelo unha visita moi moi especial:
Antonio García Teijeiro, o autor de VENTO, VENTIÑO, VENTEIRO!!!
Previamente a esta visita, na escola, estivemos traballando con este libro de poemas tan bonito. Aprendemos moitos deles, os recitamos de distintos xeitos (cantando, levando o ritmo, movéndonos...) e incluso nos atrevemos a completar un que lle faltaba o último verso de cada estrofa. Deixámoslle boquiaberto con todos os poemas que sabiamos!!!
Con este libro ampliamos o noso vocabulario sobre os distintos ventos que existen e a súa maneira de soprar. Así, pouco a pouco, vamos completando o noso léxico meteorolóxico...
Xunto con Antonio recitamos e escoitámoslle recitar, creamos un poema novo, axudámoslle a completar outros e finalmente, coñecemos a Martiño, o seu monicreque que é pescador de palabras. Tamén lle recitamos o seu poema Unha paxariña feita de papel con lingua de signos. Ademais contounos que a el fálalle o mar e, se o escoitamos con moita atención, quizais a nós tamén nos chive algún poema tan fermoso coma os seus.
Agradecémoslle a Antonio García Teijeiro a súa visita na que, ademáis, aproveitou para asinarnos os libros. Moitas grazas tamén a Miguel Roma, de Xerais, que fixo posible esta xornada tan fantástica.
Lede moita poesía!!!
Ademais, o propio poeta colgou unha reseña no seu facebook. Deixámosvos o enlace por se o queredes visitar...
ALGUNHAS ACTIVIDADES INTERESANTES QUE CONTINUAMOS REALIZANDO
Enviado por Silvia García o Mar, 17/05/2022 - 00:47
Volvemos coller a testemuña da caixa meteorolóxica. O
cal foi estupendo para traballar o tema dos climas, porque
fixemos a práctica de recoller a información dos elementos
climáticos como: as temperaturas interior e exterior
(máxima e mínima), a cantidade de precipitacións
rexistradas, a presión atmosférica...
Elaboramos climogramas de diferentes lugares de España
e Galicia. Tamén realizamos exposicións de traballos de
búsqueda de información sobre como se forman e que tipos
hai de precipitacións, ventos e nubes.
A finais de marzo, puxémoslle as trampas ás vespas
velutinas:
Por cada cinco litros de auga mesturamos 1kg
de azucre e media pastilla de lévedo, que os/as
rapaces/as foron repartindo en cada botella. Algunhas
destas botellas levámolas á escola de Infantil e Ramón
axudounos a colocalas.
Moitas grazas Ramón!
ENQUISAS
Enviado por Anónimo o Ven, 08/04/2022 - 12:18Estas últimas semanas o alumnado de sexto está a traballar “a enquisa” .
Seguindo as fases de elaboración, primeiro centrándonosen elixir os temas, neste caso, vinculados cos proxectos do cole (a meteoroloxía, a alimentación e a escola de hai 50 anos).
A continuación, elaboramos as enquisas para posteriormente facer o noso traballo de campo no centro da vila.
Foi unha experiencia moi enriquecedora, na que compartimos moitas e divertidas experiencias cos veciños de Bueu.
PROXECTO METEOESCOLAS 4º B
Enviado por Anónimo o Dom, 27/03/2022 - 13:58Esta semana do 21 ao 25 de marzo de 2022, volveunos tocar a caixa meteorolóxica. Xa estivera con nós a semana do 22 ao 26 de novembro de 2021, e quixemos esperar, para facer unha comparativa entre o rexistro do tempo en outono e en primavera.
Cal foi a nosa sorpresa ao comparar os datos recollidos, que as medicións son moi similares. Agora tócanos rematar o traballo, facendo dous climogramas que o representen, tarea na que o alumnado está metido de cheo.
Como resumo podemos destacar os seguintes datos:
L M Me. X V
Do 22-26 Nov. T. máx. ºC 22,3 14,4 16,6 16,6 15,3
T. mín. ºC 7 8,4 8,7 7 6,5
Humidade % 55 54 58 70 55
Precipitacións ml 0 0 0 4 0
Do 21-25 Marzo. T. máx. ºC 23 20 16 20,1 24,7
T. mín. ºC 7,7 11 10 8,3 8,3
Humidade % 60 52 55 57 57
Precipitacións ml 0 0 4 0 0
Como podedes observar subiron un pouco as máximas e as mínimas, pero a chuvia foi a mesma.
Xan non se pode un fiar dos cambios das estacións!!!
DÍA DA METEOROLOXÍA
Enviado por Ainhoa Suarez o Ven, 25/03/2022 - 14:20O pasado 23 de marzo celebrouse o DÍA DA METEOROLOXÍA. Este tema non é novo para nós, xa que o noso cole participa no programa METEOESCOLAS. Por iso cando nos toca, imos medir á nosa caseta meteorolóxica a temperatura, as precipitacións, a humidade... un montón de datos que nos axudan a saber como foi o tempo o día anterior.
É por isto, que dende VALORES decidimos conmemorar este día construindo un MEMORY con palabras relacionadas co tempo en galego. Primeiro o alumnado agrupouse en parellas, repartimos tarxetas en blanco, e cada parella plasmou nas mesmas unha destas palabras, acompañándoas dun bonito debuxo.
Agardamos que vos guste!
UN FENÓMENO METEOROLÓXICO ESTRAÑO...
Enviado por Marta Valbuena o Dom, 20/03/2022 - 20:30Esta semana tivemos a ocasión de coñecer un fenómeno meteorolóxico estraño... O martes 15, o alumnado da nosa escola comezou a preocuparse cando notaron que a néboa que cubría o ceo, era algo diferente á habitual, pois case semellaba ser de cor laranxa!!!
As mestras nos explicaron que efectivamente, o ceo non estaba cuberto de nubes, senón dunha nube de po que viña do deserto do Sahara. A borrasca Celia invadiu a Península Ibérica enchéndoo todo de area!
Ao principio nos parecía raro e mirabamos moi sorprendidos, pero despois descubrimos que efectivamente o Sol estaba no ceo querendo saír tras esa capa rara de area que as mestras dixeron se chama CALIXE SECA!!!
Despois, puidemos ver vídeos e fotos doutros lugares de España que se levantaron cunha boa capa de area, menos mal que en Bueu só caeu unha capa finiña...
Aínda así, as imaxes dende a nosa caseta meteorolóxica chamaban a atención e quixemos deixar constancia deste fenómeno meteorolóxico tan peculiar.
Mesmo as familias animáronse a enviarnos fotos da Ría de Pontevedra cuberta de calixe seca!
Non nos esqueceremos deste día tan especial!
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »
