Benqueridas familias,

 Como xa sabedes este ano temos por Proxecto Anual de Centro achegar ao

alumnado ao mundo do ARTE. Por iso estamos traballando en torno a

grandes artistas de tódolos tempos e as súas obras.

 Pretendemos expoñer unha gran mostra final do traballo das vosas fillas e

fillos para compartilo con vós ao rematar o curso a modo de MUSEO no

Palacios.

 Agora ímosvos ofrecer un adianto do que xa levamos feito a través dun

CALENDARIO ANUAL 2018-2019 que contén algunhas das creacións

artísticas dos alumnos e que poderedes solicitar no centro en breve.

Avisarémosvos a través dos nenos e nenas. Aquí vos deixamos o deseño

agardando sexa do voso agrado.

Equipo de Dinamización da Lingua Galega.

Os nenos e nenas de 2º primaria están viaxando polo mundo e queren ensinarvos o que descubriron en Australia, na  India, África  en canto a linguas, culturas, .... Neste momento derón un salto e viaxaron polo espazo, non deixedes de ver as súas investigación no seguinte libro

Este ano, coma en anos anteriores, contamos cunha nova auxiliar de conversa. O seu nome é Heather e vén de Washington DC, nos Estados Unidos. Comezou o seu traballo no noso centro neste mes de outubro e estará connosco ata o mes de maio. Nestas primeiras semanas puidemos facerlle preguntas para coñecela un pouco mellor, e ademais tróuxonos fotos e vídeos para saber un pouco máis sobre o seu país, a súa cidade, a súa familia e os seus intereses. Nós tamén lle contamos cousas sobre Galicia e sobre nós, e ata tivemos tempo para bailar e cantar con ela. Aquí tedes algunhas imaxes destas primeiras clases con Heather:

Atoparedes máis imaxes e información sobre as actividades que levamos a cabo nas clases de inglés no blogue de inglés do centro. Aquí tedes o enlace: 

https://5littlepumpkinsblog.blogspot.com.es/

 O alumnado de 4º e 5º participou no V concurso de relatos curtos organizado pola FANPA (Federación provincial de ANPA dos colexios públicos) en colaboración coa editorial Kalandraka. Tiñan que facer un relato orixinal escrito en galego que non superase as 300 palabras e ao cal se presentaron ao redor de 800 relatos. Queremos felicitar ao alumnado que conseguiu ser finalista e tamén aos outros xa que a calidade de todos os relatos foi extraordinaria. 

Os nenos e nenas finalistas son: Uxía, Alex, Sarai, Noe, Irene e Paula de 5º e Rebeca de 4º que deberán acudir ao acto de entrega de premios o 30 de maio no Auditorio do Pazo da Cultura en Pontevedra