Unha exposición retrospectiva de fotografías do Entroido galego aportadas polas familias do colexio. Reflicten as nosas referencias socioculturais, os Entroidos de antes e o porqué das actuais celebracións. Moitas grazas a todos os que aportástedes este pequeno anaco da historia do Entroido ao longo do tempo e por toda Galicia (incluso algunhas de fora).  Pódese ver na entrada do edificio de Primaria.

  O alumnado de infantil e primaria de Ames participou nunha intervención artístico-poética ao aire libre. Fixeron siluetas de pezas de roupa en lonas nas que por un lado escribiron poemas e polo outro puxeron as ilustracións feitas en cada aula.

  Na organización e coordinación da actividade colaboran os ENDLG dos centros de participantes, a Aula da Natureza e o Servizo de Normalización Lingüística do Concello de Ames.

    A temática foi a Natureza e os poemas eran de escritores en lingua galega ou de producción propia. As pezas colgáronse en distintos parques de Ames en tendales facilitados polo Concello (máis información premendo aquí para ver a súa páxina). A idea era facer disfrutar aos veciños de Ames coa poesía. Esperamos que vos gustasen!

    Dous alumnos de cada aula, elexidos por sorteo, foron os representantes dos seus compañeiros para tender estas pezas poéticas. Premendo no issuu de abaixo veredes en detalle os poemas dos alumnos de infantil.

   Ata o día de hoxe, 2 de xuño, a actividade “Sementando Poemas” tivo os seus froitos, e esperamos que non sigan a chegar poemas en novos lugares inesperados. Tivemos as seguintes noticias:

• Sandra deixou un no comedor do CEIP A Barouta (Ames)

• Paco atopou un na Illa do Refuxio en Oroso. (non se pode ver ben por baixa resolución)
  

• Hugo deixou un no Pazo da Peregrina en Bertamiráns (Ames)

• Gloria deixou un na Área Recreativa de Sigüeiro.

• Flor e Silvia non nos din do lugar pero atoparon tamén poemas. (non se pode ver ben por baixa resolución, se podedes probade a enviar a foto de novo, por favor)

     Se vos fixades o de Paco e o de Gloria son o mesmo, e o de Iria e Flor tamén, que seguen a viaxar, onde acabarán? Saberémolo?

Grazas pola vosa colaboración e seguide a sementar cultura.

O Equipo de Dinamización da Lingua Galega do CEIP A Maía.

  Esta semana todo o centro estivo implicado nunha proposta do Equipo de Normalización linguística para achegarnos á obra do poeta da Terra Chá, Manuel María, a quen se lle dedica este ano o Día das Letras Galegas. A proposta consistía en que as aulas dos maiores escribían os  poemas nunhas lonetas que os máis pequenos tiñan que decorar.

  Así coñecemos os poemas do carro, o tractor, o caracol, o sol, o foguete, o cuco, a lebre, o ourizo e a bolboreta... que están todos no seu libro "Os soños na gaiola".

Andrea e Lucía foron as alumnas gañadoras no concurso convocado polo equipo de Normalización  Lingüística para crear a chapa do Día das Letras Galegas.

O lema gañador foi:

"EN GALEGO. COMO CHE SOA?"

Debuxo: Andrea Pequeno Mirás de 1º B
Lema: Lucía Rodríguez Lema de 6º B

Estimadas familias:

  No colexio queremos facer unha escolma de receitas de cociña relacionadas coa primavera, é dicir, que as receitas inclúan algún ingrediente típico desta época do ano en Galicia, polo que vos animamos a que nestas vacacións de Semana Santa adiquedes un día a cociñar cos vosos fillos e fillas, e logo saborear a vosa creación en familia. Pode ser tanto un prato principal como unha sobremesa, xa que ás veces os doces é o que máis lles gusta aos nenos.

Achegámosvos algunhas ideas sobre froitos de primavera: aguacates, albaricoques, cereixas, ameixas, amorodos, limóns, berenxenas, coliflor, leituga, framboesas, chícharos,... e todos os que vos pasen pola cabeza.   Só vos pedimos que as receitas estén escritas en lingua galega, coas receitas recibidas, faremos unha selección das máis orixinais ou divertidas e elaboraremos o noso libro de receitas de primavera para a Biblioteca Escolar.

Este non é un traballo obrigatorio, participade se vos apetece, pero é unha boa ocasión para facer unha actividade diferente cos vosos fillos, a de cociñar, e logo elaborar entre todos a receita, facer un debuxo ou incluso pegar unha fotografía.

   O prazo máximo para entregar as receitas aos titores/as é o día 1 de abril.

   Animádevos a compartir as vosas habilidades culinarias con nós e felices vacacións!!!

 O equipo de Dinamización da Lingua Galega do CEIP A Maía.

(podedes imprimir aquí a planilla: premendo no arquivo adxunto baixo esta entrada)

DÍA DE ROSALÍA DE CASTRO

HOMENAXE DO CEIP A MAÍA

Mércores, 24 de febreiro de 2016

Educación Infantil:

Vídeo. Os nenos recitan: “Vente rapasa”

de Cantares Galegos

Educación Primaria:

Lectura continuada de poemas na Biblioteca “Agustín Fernández Paz”

Organizado polo EDLG, Equipo TICs e Equipo de Biblioteca.

==============================================

Os carteis  coas actividades que organiza o Concello de Ames para o Día de Rosalía. Ver máis información premendo AQUÍ