As listaxes NON se publicarán na web do centro. 

As reclamacións faranse durante os dous días seguintes á publicación (9 de xullo), neste caso durante o 10 e o 11 de xullo.

 Esta semana fixemos a mudanza-traslado da Biblioteca "Agustín Fernández Paz"  a outras ubicacións  no Centro.  Retiramos, libros, mesas, estanteirías... Imos ceder o espazo de alimentar a mente para alimentar o corpo.

  É un TRASLADO PROVISIONAL  mentras se levan a cabo as obras do novo comedor e durante un tempo estaremos un chisco apretados.

 Provisionalmente reubicarémonos na mini-antiga Biblioteca e no espazo acristalado do corredor no primeiro andar. Intentaremos seguir funcionando coma sempre... E cando rematen as obras  VOLVEREMOS!

"Uxía Lambona e a banda molona" entretiveron e fixeron bailar aos nenos do colexio o mércores da derradeira semana do curso. Esta montaxe son uns anaquiños da actuación.

  Este grupo pretende sobre todo divertir os pequenos, achegándolles temas tradicionais galegos dunha forma nova e atractiva, empregando novos estilos musicais (ska, rock, hip-hop...) para que coñezan e manteñan a nosa música tradicional popular. Foi unha actividade organizada polo Equipo de Actividades Complementarias. Pasárono xenial no concerto!

    Esta montaxe está feita con fotos durante a actuación co fondo da súa versión do "Pirimpinpin".

   Podedes ver unha selección das cancións do grupo no blog de 5ºC de infantil.

   Os alumnos e alumnas de 6º remataron xa a primaria e andiveron polo colexio a despedirse de todo o mundo. Boa sorte rapaces na vosa nova andaina!.

  Podedes ver as fotos da excursión de fin de curso a Manzaneda premendo neste enlace ou na GALERÍA DA WEB.

  Podedes ver as fotos da excursión dos alumnos de 5º a Fervenza do rio Toxa premendo neste enlace ou na GALERÍA DA WEB.

  Os alumnos e alumnas de 5 anos que rematan agora a Educación Infantil fixeron nos derradeiros días do curso unha excursión ao Pazo do Faramello, onde Gonzalo, o seu dono, lles fixo de guía polos xardíns e lles contou parte da historia do Pazo. Remataron cunha xuntanza e merenda cos pais no Xardín do Recordo, onde plantaron unha árbore (cercis silicuastrum ou árbore do amor) en memoria das víctimas do accidente do tren  en Santiago.

(nesta montaxe vense mellor as fotos e ademáis incorpora varias vistas do pazo e o seu entorno, do xardín do recordo e fotos da clase de árbol que plantaron, un cercis)

  Os vosos "friends" tamén marchan de "Holidays"!. Esta derradeira semana en infantil, as "puppets" estiveron despedíndose polas aulas. Cookie agasallou aos máis peques cun "stamp" da súa "happy face" na  "hand".

   Lulu reparteu o  "book" cos traballos que fixéchedes os maiores. Denzel repasou con vos as cancións e as "stories" do curso. Monkey, Patch e Spot aproveitaron para decirvos: "See you later alligator!", and "Bye, bye birdie!". Que ben o pasamos!.

  Foi un verdadeiro pracer ser a vosa "teacher". Deséxovos un "Happy summer" e todo o mellor para o curso que ven!. A pasalo moi ben rapazada!.

      Happy hollidays and a goodbye!.

                 TEACHER PATRI

     Os alumnos de 3º  visitaron o espazo DOSPASOS. Participaron nun  obradoiro  onde aprenderon a amasar e facer pan seguindo as instruccións en inglés de Sarah Phillips. Unha bonita experiencia. 

  Os alumnos e alumnas de relixión de primaria crearon esta mostra   inspirados nas alfombras florais do Corpus. É un diseño feito por eles e empregaron tanto elementos naturais (flores de hipéricos, flores secas de hortensias, froitos, café, sales tinxidas de cor, brotes verdes das tuias...) como outros artificiais (témperas, papeis de cores, cartulinas, celofán, virutas etc...)

 O luns 10  os pequenos de 4 anos fixeron unha saída ó Aquarium da Coruña para ver os animais acuáticos que coñeceron durante o proxecto no que traballaron durante semanas. Realizaron unha vista guiada polo Aquarium. Viron medusas, tiburóns pequenos, morenas, estrelas de mar, doradas, peixes paiaso, cabaliños de mar, focas e moitos animáis mariños mais. Despois disfrutaron coa merenda no Parque de San Pedro.

 Para ver como foi a visita e o ben que o pasaron con este fantástico remate de proxecto premede AQUI no blog de 4 anos da profe Rosana.