Os pequenos de tres anos, ao longo dos últimos trimestres do curso 2018-19, crearon e coidaron un xardín vertical en botellas que se colgaron nas columnas do peche do patio. Os cordeis que as ataban facilitaban o reparto da auga das botellas superiores ás inferiores. Os nenos encheron as botellas de terra e plantaron especies diferentes coas que disfrutaron cos cinco sentidos: comestibles, aromáticas, crasas, con follas interesantes ou con fermosas flores... Ademáis unha clase plantou bulbos de narcisos, fresias, amapolas e iris en botes reciclados e tamén fixeron comedeiros para paxaros empregando cáscaras de laranxas... Ao remate do curso levaron as botellas coas plantas para seguir coidando nelas en casa!
Agardamos a vosa presenza o vindeiro LUNS 9 de setembro ás 17h para que coñezades ás titoras dos 3 grupos de 4º de Infantil (os peques de 3 anos) e comunicarvos informacións varias para este curso 2019/20.
As reunións serán nas aulas do edificio de Infantil.
As persoas solicitantes de Fondo Solidario de libros poden consultar a adxudicación definitiva.
Si o desexan e teñen chave 365 ou certificado dixital poden facer a consulta directamente na aplicación https://www.edu.xunta.es/fondolibros , entrando no apartado "Cidadán" ; ou chamando aos teléfonos do centro: 881866005 e 881866006.
As listaxes NON se publicarán na web do centro.
O libros entregaranse en setembro: o 5 de setembro entregaranse os de 3º e o 6 de setembro entregaranse os de 4º. Terán que retiralos en secretaría o pai, nai ou titor legal posto que teñen que asinar o compromiso de cesión.
As persoas solicitantes de Fondo Solidario de libros, xa poden consultar a adxudicación provisional. Si o desexan poden facer a consulta directamente na aplicación https://www.edu.xunta.es/fondolibros , entrando no apartado "Cidadán" ou tamén chamando ao teléfono do centro: 881866002.
As listaxes NON se publicarán na web do centro.
As reclamacións faranse durante os dous días seguintes á publicación (9 de xullo), neste caso durante o 10 e o 11 de xullo.
Esta semana fixemos a mudanza-traslado da Biblioteca "Agustín Fernández Paz" a outras ubicacións no Centro. Retiramos, libros, mesas, estanteirías... Imos ceder o espazo de alimentar a mente para alimentar o corpo.
É un TRASLADO PROVISIONAL mentras se levan a cabo as obras do novo comedor e durante un tempo estaremos un chisco apretados.
Provisionalmente reubicarémonos na mini-antiga Biblioteca e no espazo acristalado do corredor no primeiro andar. Intentaremos seguir funcionando coma sempre... E cando rematen as obras VOLVEREMOS!
"Uxía Lambona e a banda molona" entretiveron e fixeron bailar aos nenos do colexio o mércores da derradeira semana do curso. Esta montaxe son uns anaquiños da actuación.
Este grupo pretende sobre todo divertir os pequenos, achegándolles temas tradicionais galegos dunha forma nova e atractiva, empregando novos estilos musicais (ska, rock, hip-hop...) para que coñezan e manteñan a nosa música tradicional popular. Foi unha actividade organizada polo Equipo de Actividades Complementarias. Pasárono xenial no concerto!
Esta montaxe está feita con fotos durante a actuación co fondo da súa versión do "Pirimpinpin".
Os alumnos e alumnas de 5 anos que rematan agora a Educación Infantil fixeron nos derradeiros días do curso unha excursión ao Pazo do Faramello, onde Gonzalo, o seu dono, lles fixo de guía polos xardíns e lles contou parte da historia do Pazo. Remataron cunha xuntanza e merenda cos pais no Xardín do Recordo, onde plantaron unha árbore (cercis silicuastrum ou árbore do amor) en memoria das víctimas do accidente do tren en Santiago.
(nesta montaxe vense mellor as fotos e ademáis incorpora varias vistas do pazo e o seu entorno, do xardín do recordo e fotos da clase de árbol que plantaron, un cercis)
