Benvidos a un novo curso, o derradeiro no CEIP Abelendo!

Achegamos o horario semanal para facilitar a organización das familias. As horas coloreadas cun fondo rosa son as correspondentes aos ámbitos. Comezaremos con eles a próxima semana.

Desde o equipo docente aproveitamos para desexarvos a todos un curso cheo de novas aprendizaxes e coñecementos, pero tamén de ilusión, alegría e bos recordos que levar na mochila.

Aquí tedes algunhas fotos da estupenda excursión ás illas Cíes

Con motivo da celebración do día das Letras Galegas, adicado a Xela Arias, o alumnado de cuarto deixou unha caixa con poemas na Agraria de Abelendo: Este día das letras galegas, colle un poema e disfruta do tema!

En Arts estivemos traballando a obra de Chema Madoz, un fotógrafo español que xoga coas imaxes para crear novos significados.

Despois de coñecer as súas fotos decidimos imitamr o seu estilo, creando os nosos propios xogos visuais. Aquí tedes unha galería de imaxes coas nosas obras de arte. 

Este ano quixemos compartir co noso entorno a conmemoración do Día das Letras Galegas, e por iso acudimos a O baile para entregar unha caixa chea de pergaminos. Dentro había poemas de Celso Emilio Ferreiro, Rosalía de Castro, Darío Xohán Cabana, Manuel María e, como non, de Xela Arias, a autora homenaxeada este ano.

Estes son algúns dos poemas cos que agasallamos aos clientes.

Podedes pasar por O baile para coller o voso!