blogue dearanchapernas

A ilustradora SONIA GARCÍA, visitou o noso centro e explicoulle aos nenos técnicas moi interesantes sobre a ilustración.

Esta semana conmemoramos EASTER e fixemos distintas actividades dende o departamento de plurilingüismo:

- Aprendimos vocabulario.

- Cantamos e bailamos cancións de Easter.

- Fixemos sopas de letras, crucigramas e coloreamos debuxos.

- En Arts elaboraron Chicks e Easter Bunny dando liberdade a súa imaxinación e creatividade.

O alumnado de 4º estivo levando a cabo ao longo dunha semana o proxecto The Language Magician.

Primeiro fixemos distintas actividades na aula e no salón de actos cun enfoque totalmente lúdico que nos serviu para repasar diferentes temáticas que logo lles farían falla para converterse en aprendices de bruxos e salvar aos animais que Winivil, un mago malvado, tiña secuestrados no alto dunha torre.

O último día se adentraron no videoxogo a través do uso de Ipads, onde tiveron que ir resolvendo actividades orais e escritas en inglés para conseguir liberar aos animais.

Bo día:

Comunicámoslle que xa están publicados no taboleiro do noso centro as listaxes provisionais de admitidos para o curso 2022-2023.

Poden consultalas presencialmente ou empregando a Chave 365.

De todos xeitos, informámoslles de que todos os que solicitaron praza no noso centro foron admitidos.

Bo día:

A continuación informámoslles da obra de teatro que se representará o venres día 8 na Casa da Cultura de Boiro.

Este ano fixemos a nosa humilde representación do tradicional Enterro do Oso de Abanqueiro. 

Os nenos aprenderon un montón coas charlas previas e pasámolo en grande o día da celebración.

Aquí vos deixamos un pequeno resumo.

A bailarrrr!!!!!

Hoxe recibimos un pequeno agasallo para os nenos e a placa

conmemorativa do Selo de Calidade recoñecido ao noso centro polo

proxecto eTwinning do curso pasado: LINGOTURE.

Moi contentos despois do traballo!

O pasado xoves tivo lugar no noso centro o tradicional enterro da nosa Ceboliña. Aquí tedes un pequeno resumo dese día.

Moito choramos por ela!!!

O 30 de xaneiro conmemoramos o "Día da Paz e a non violencia" e dende o departamento plurilingüe de plástica fixemos unha pomba empregando diferentes texturas:

o alumnado de 1º de primaria foi o encargado de pegar algodón, o de 2º do papel pinocho, 3º de plastilina, 4º de envoltorios de magdalenas, 5º de arroz e 6º de porespán.

Entre todos fixemos esta bonita pomba:

Onte foi o último día da nosa auxiliar de conversa india no noso centro.

Sabemos que todos a imos botar moito de menos. Algo que recordarán todos os nen@s do seu paso polo noso cole é a canción de Bum Bum Bole que tanto bailamos en clase dende a súa chegada. Esta canción aparece nunha película india e o seu protagonista é un mestre de educación primaria.

Suparva fixo un pequeno vídeo recopilando anacos de baile en tódolos cursos. Espero que vos guste tando coma aos nenos.

Queremos agradecer a colaboración das familias na recollida de alimentos en favor de Cáritas.

A continuación poden consultar a listaxe de alumnos admitidos para a distribución de máscaras. Este listado tamén se atopa no taboleiro do centro.

Un ano máis, o noso centro participa nun proxecto de intercambio de postais de Nadal a través de eTwinning. Despois de que o curso pasado este intercambio tivera que ser telemático por mor da pandemia, este curso retomamos o intercambio de forma física e as postais elaboradas polo alumnado de primaria viaxarán ata Turquía, Portugal, Croacia, Finlandia, Eslovaquia, República Checa, Lituania, Grecia, Rumanía, Italia e tamén a Santiago de Compostela.

Esperamos ansiosos recibir as nosas postais.

Ao longo desta semana, dende a área de Inglés, fixemos varias actividades relacionadas con Halloween:

Aprendimos vocabulario, fixemos varios xogos interactivos na pizarra dixital, xogamos ao Dobble, ao Dominó, ao Lince, bailamos Just Dance e xogamos ás estatuas musicais. 

Foi unha semana terrorífica!!

Aquí vos deixo un pequeno resumo:

Estamos moi contentos porque fomos premiados co Selo de Calidade Europeo polo proxecto de eTwinning LINGOTURE que levamos a cabo ao longo do curso pasado na área de inglés co alumnado de 4º e 6º de primaria.