Skip to Content

Ata o mes de setembro

Desexamos que todas e todos pasedes un fantástico verán a pesar da estraña situación que estamos a vivir. Agradecémosvos o gran esforzo que fixechedes nestes singulares meses e contade con que toda a  información que vaia saindo de cara ao curso 2020/2021 será publicada nesta páxina. Igualmente podedes contactar con nós a través do correo electrónico cee.nosasenhora.rosario@edu.xunta.gal e do teléfono do centro 881961070.

Vémonos en setembro!

  • Publicado no DOG do 9 de xullo a Orde do 25 de xuño de 2020 do Calendario escolar para o curso 20/21.
  • Publicada na web da Consellería o Protocolo de adaptación ao contexto da covid 19 nos centros de ensino non universitarios de Galicia para o curso 2020-2021. Pincha no seguinte enlace: http://www.edu.xunta.gal/portal/node/31520. Estase a elaborar tamén un protocolo específico para os Centros de Educación Especial, que atenda as peculiaridades deste alumnado.
  • Publicadas na web da Consellería as Instrucións do 30 de xullo en relación ás medidas educativas que se deben adoptar no curso académico 2020/2021 nos centros docentes da Comunidade Autónoma de Galicia nos que se imparten as ensinanzas da educación infantil, da educación primaria, da educación secundaria obrigatoria e do bacharelato. Pincha no seguinte enlace: http://www.edu.xunta.gal/portal/node/31636

 

Aniversarios Xullo e Agosto

Lembrámosvos aínda que sexa verán e esteamos de vacacións. Parabens!!

FESTEXAMOS O DÍA DA LGTBIQ+ (28/06)

      

28 DE XUÑO -  DÍA INTERNACIONAL DO ORGULLO LGTBIQ+

Ola a todos e todas,

Coma todos sabedes, ao longo do curso imos conmemorando numerosos días cos que buscamos o trato igualitario e a non discriminación de colectivos.

Na programación para este curso, esta semana tiñamos previsto realizar diversas actividades que fomentasen a igualdade de trato e a non discriminación de lesbianas, gais, transexuais, bisexuais, intersexuais e queer, coas que favorecer a visibilidade e integrar de forma transversal a diversidade afectivo-sexual.

Debido a situación de alerta sanitaria que estamos a vivir non puidemos realizar esta conmemoración  na escola, pero non queremos deixala sen festexar, xa que nos parece de grande importancia.

Por iso, o equipo docente preparou o material que aquí vos presentamos, co fin de que dende as vosas casas podades traballar un pouquiño estes contido.

 

Pulsa na imaxe para acceder ao Genial.ly

Esperamos que vos guste!

Unha forte aperta!

         

Reciclamos?

Esta semana e para finalizar, por este curso, co proxecto "construamos un futuro sen plástico" de Voz Natura, compartimos con vosco un Make It elaborado pola profe Sonia sobre a reciclaxe: (Pulsa na Imaxe para acceder)

Imaxe obtida en https://www.amarilloverdeyazul.com/dia-mundial-del-reciclaje-2018/

Por outra banda, recomendámosvos tamén o seguinte libro da editorial Kalandraka chamado "Plásticus Marítimus, Unha Especie Invasora". Trátase dunha guía de campo para concienciar sobre a contaminación por plástico e sensibilizar para un uso racional do mesmo. 

 (Pincha na imaxe para acceder)

Feliz verán de parte do equipo de Voz Natura. Vémonos pronto. Gozade moito do verán e lembrade: canto menos plástico empreguemos na nosa vida, máis nolo agradecerá a natureza.

14 de Xuño - Día Nacional das Linguas de Signos

Coma todos os anos, hoxe, día 14 de xuño celebramos o día das Linguas de Signos Españolas. Tendo en conta a gran diversidade comunicativa coa que contamos no noso centro educativo, unha vez máis consideramos importante conmemorar este día, xa que como recolle o seu lema deste ano: "a lingua de signos non deixa ninguén atrás"

Sen embargo, a situación de emerxencia sanitaria pola que estamos a pasar, fixo imprescindible contar máis ca nunca coa vosa colaboración, grazas a cal puidemos preparar este vídeo coa canción “0 porvir é meu”, de Chuches Amil,  

Esperamos que disfrutedes tanto coma nos ao preparalo!

Unha forte aperta!

PRÓXIMAMENTE NAS VOSAS PANTALLAS

O 14 de xuño festexamos o Día Nacional das Linguas de Signos. Para ese día preparamos unha sorpresa que xa sabedes no que consiste pero non como quedou. Estade atentos a nosa web ou ao noso YouTube.

Voz Natura - A Horta de Charito

Voltamos con actividades para que non vos esquezades da nosa horta, a cal segue a coidar Amalia (moitas grazas de parte de tod@s nós!!!!!).

Pincha na imaxe e descubre o Genial.ly que fixemos para esta ocasión. Podes pulsar en calquer debuxo que atoparás na foto da nosa horta.

Esperamos que vos guste.

Alimentes - Nova Edición

Compartimos convosco a nova edición de Alimentes (Gadis). Cada arquivo corresponde a dous cursos. Esperamos que vos guste e que vos sexa útil.

DÍA DO MEDIOAMBIENTE

5 DE XUÑO - DÍA MUNDIAL DO MEDIOAMBIENTE

 

Hoxe é venres 5 de xuño de 2020, Día Mundial do Medioambiente, un dos máis importantes do calendario ecoloxista, que foi fixado en 1972. Co fin de que conmemoredes este día dende as vosas casas invitámosvos, por unha banda, a que leades o conto “ A árbore xenerosa” de Shel Silverstein, da editorial Kalandraka.

 

https://www.youtube.com/watch?v=lpzNj82y0ks.

 

Por outra banda, tamén vos convidamos a visitar a web http://www.tuhuellaecologica.org/  na que poderás medir a túa pegada ecolóxica e descubrir infinidade de cousas que podemos facer no noso día a día para conseguir unha sociedade sostible.

 

Esperamos que vos guste e vos faga pensar na importancia de que todos coidemos o noso planeta.

 

 

Unha forte aperta.

Vídeo Resumo Club de Ciencias 19/20

Tras un novo curso de experimentos deixámosvos, como peche do Club de Ciencias 19/20, a ligazón ao blog para que poidades acceder ao vídeo que elaborou o Equipo para lembrar os experimentos realizados este curso. Seguro que tedes ganas de velo. A nós encantounos!

Pulsa na imaxe para acceder

Distribuir contido


by Dr. Radut