O programa Atrévete- Santiago, enmarcado dentro do Plan eduemprende, comezou a súa andadura o pasado 31 de xaneiro coa visita do CPI de Bembibre (Val do Dubra) á Asociación Área Empresarial do Tambre.

Os alumnos de 2º de Educación Secundaria Obrigatoria deste centro foron recibidos polo presidente da Asociación D. Jesús Chenel e asistiron á presentación que lles fixo D. Xavier Cea, subdirector de El Correo Gallego sobre esta empresa periodística. Unha vez concluída a presentación, desprazáronse á nave do rotativo onde tiveron a oportunidade de visitar as súas instalacións.

O pasado 7 de febreiro foron os alumnos/as de 2º de ESO do IES do Milladoiro (Ames) os que visitaron a sede da Asociación Área Empresarial do Tambre e participaron das explicacións do director comercial da empresa especializada na construción de vehículos especiais UROVESA, D. Justo Sierra. Unha vez rematada esta actividade os alumnos/as e profesorado acompañante puideron ver de cerca estes vehículos de gran tonelaxe.

O 21 de febreiro acudiron á sede da Asociación Área Empresarial do Tambre os alumnos/as de 2º de ESO do IES Plurilingüe de Ames (Bertamiráns). Foron recibidos polo xerente da asociación D. José Manuel Beceiro. Como representante da empresa GAMELSA estivo D. Jesús Ferradáns quen despois de comentar a súa experiencia como empresario acompañou ao alumnado na súa visita á empresa xunto co xefe de produción da mesma.