Xa dende hai varios anos rondáballe ao secretario do centro, Juan Carlos Pérez Mestre, a idea de que os biombos de separación da 
cafetería do centro co resto do hall principal tiñan que evolucionar até unha nova opción na liña de gañar máis luz, presenza e elegancia ao mesmo tempo que maior privacidade para a propia cafetería.
No mes de novembro de 2012 propuxo a Beatriz Esperón, a cabeza visible para tódolos socios da Fundación Rías do Sur da Piscina Olímpica do complexo deportivo de Pontemuiños a posibilidade de que doaran ao centro as mamparas de cristal que con anterioridade se retiraran da piscina pequena do complexo e que como son pezas feitas a medida é moi difícil o seu aproveitamento posterior. No mes de marzo de 2013 tivo a resposta afirmativa polo que agora había que ver a maneira de trasladar e instalar o material ao centro.
- Para ver a galería de imaxes, preme aquí.
- Para ver as notocitias de prensa, preme aquí (La Voz de Galicia) e/ou preme aquí (Diario de Pontevedra).
A verdade é que foi un pouco arriscado xa que aínda non o tiña proposto ao centro, e non sabía se o adecuado era propolo nun primeiro momento e correr o risco de que non houbera doazón algunha, ou como fixo, contar coa doazón e que despois non se puidera realizar por non crer que fora adecuada a actuación ou falla de recursos.
O custo da instalación era elevado, o orzamento inicial que tiña fixado foi crecendo e crecendo pois as lúas de cristal pesaban máis de 200kg e facía falta moito persoal para a súa deslocalización. Ademais o custo dos vinilos decorativos con elementos institucionais pasaban por riba do prezo esperado. Obviamente tiña que contar co custo de retirar os biombos existentes e instalar as novas mamparas … Sen embargo, pouco a pouco e falando cuns e con outros foi conseguindo as colaboracións necesarias para obter o obxectivo e puidéronse instalar para o comezo do curso académico 2013-2014.
E un exemplo de aproveitamento sustentábel no que partindo dun material retirado e sen posible uso a priori, conseguimos dotar ao centro, a través dunha colaboración público-privada, da nova imaxe e identidade que nada máis chegar ao mesmo consegues ter.
Con este artigo queremos, dende o IES A Xunqueira II de Pontevedra, dar as grazas ao Concello de Pontevedra, aos membros do servizo de Protección Civil de Pontevedra, á Consellería de Cultura, Educación e O.U., a Fundación Rías do Sur e, en especial, a Bea, grazas mil.
Dª. Mª Cristina López Gago, Directora do IES A Xunqueira II.
