Actividades extraescolares IES Muralla Romana

Carreira solidaria "GOTAS PARA NÍXER"

Start: 29/05/2015 11:50

ACTIVIDADE COMPLEMENTARIA: Carreira solidaria
		Día: 29 de maio Organiza: Dpto. de Educación Física Hora: 12:00-14:00 aprox. Lugar: Recinto escolar Para: ESO e BAC

Este curso o IES ÁNXEL FOLE e o IES MURALLA ROMANA únense para formar parte dos centros enredados, organizando conxuntamente unha carreira solidaria para apoiar os programas de supervivencia infantil en Níxer.

Inscritos grazas aos departamentos de Educación Física de ambos os dous institutos, imos celebrar unha actividade deportivo-festiva coa participación do alumnado de ESO e BAC.

O fundamental é que os participantes entendan e valoren a achega que poden facer no logro dos dereitos dos nenos e nenas de todo o mundo. Son eles os que marcarán o seu propio obxectivo económico individual, aínda que a cantidade recomendada é 1€ por alumno/a.

Un evento solidario cun obxectivo común: apoiar os esforzos de UNICEF por levar auga, hixiene e saneamento a todos os nenos e nenas de Níxer.

Todo o recadado por ambos centros será entregado a UNICEF.

Calendario

Viaxe lúdico-cultural a Celanova

Start: 26/05/2015 08:50

End: 26/05/2015 19:30

ACTIVIDADE EXTRAESCOLAR: Viaxe cultural CELANOVA
	Día: 26 de maio Organiza: EDNL e Dpto. Lingua Galega Hora: 08:50-20:30 Lugar: Celanova - Ourense Para: 3º ESO-A e 4º ESO

A Fundación Curros Enríquez acolle numerosos grupos de estudantes que se achegan a Celanova para visitar a Casa dos Poetas e para realizar algunha das actividades organizadas en torno aos escritores da vila. O programa “Ven coñecer a Celanova de Curros e Celso Emilio” combina as visitas á Casa dos Poetas, ó Mosteiro de San Rosendo e a Vilanova dos Infante, cun percorrido urbano a través da poesía pola vila de Celanova.

PROGRAMA DA ACTIVIDADE:

Traxecto LUGO - CELANOVA – OUTARIZ -LUGO

Pola mañá: Vilanova dos Infantes, Casa dos Poetas e Mosteiro de San Rosendo.

Descanso para comida (que levarán da casa)

Pola tarde: Ourense, nas Termas de Outariz.

Chegada estimada a Lugo 19:30 h

Fotografías

Calendario

Viaxe cultural: Ruta Pondaliana

Start: 26/05/2015 08:50

End: 26/05/2015 20:30

ACTIVIDADE EXTRAESCOLAR: Viaxe cultural Costa da Morte
	Día: 26 de maio Organiza: EDNL Hora: 08:50-20:30 Lugar: Ponteceso / Camariñas Para: algúns de 1º, 3º ESO-B e 1BAC

PROGRAMA DA ACTIVIDADE:

Traxecto LUGO - PONTECESO – CAMARIÑAS -LUGO

Pola mañá: RUTA PONDALIANA, na Costa da Morte.

Descanso para comida (que levarán da casa)

Pola tarde: Camariñas, visita a unha conserveira.

Paseo e volta á casa.

Chegada estimada a Lugo 20:30 h

Fotografías

Calendario

Curso de cor L'OREAL

Start: 13/05/2015 00:00

End: 13/05/2015 00:00

ACTIVIDADE COMPLEMENTARIA: XORNADA COR de L'OREAL
		Día: 13 de maio Organiza: Dpto. Imaxe Persoal Lugar: Aula 23 Para: 2º CM PECOCA

Alumnado do Ciclo Medio de Peiteado e Cosmética Capilar recibirá un curso de cor de L'OREAL, marca de orixe francesa, líder no sector. A finalidade desta MasterClass é formarse como futur@s profesionais e coñecer as novas tecnoloxías e tendencias, en constante innovación.

A actividade consistirá na demostración e traballo por parte do alumnado sobre o cambio de cor do cabelo.

Non é a primeira vez que esta marca colabora co Instituto e é de agradecer, polo ben dos nosos e das nosas estudantes.

Web de L'oréal

Calendario

Viaxe cultural a Pontevedra

Start: 12/05/2015 08:50

ACTIVIDADE EXTRAESCOLAR: Viaxe cultural a Pontevedra
	Día: 12 de maio Organiza: EDNL Hora: 08:50-22:00 Lugar: Pontevedra/Cambados Para: algúns de 1º e de 3º ESO

PROGRAMA DA ACTIVIDADE:

Traxecto LUGO – PONTEVEDRA – CAMBADOS – LUGO. (Sobre 380 / 400 km.)

Visita Pontevedra. Lectura de poemas de Amado Carballo na Praza da Leña. Visita á Igrexa de San Francisco ao túmulo de D. Paio Gomes Charinho.

Visita no Museo de Pontevedra, especialmente a exposición sobre Xosé Fernando Filgueira.

Descanso comida.

Cambados. Visita e lectura de poemas de Ramón Cabanillas.

Paseo e volta á casa.

Chegada estimada a Lugo 21,30 / 22.00 h

Fotografías

Calendario

"SI CONTROLAS, VUELVES"

Start: 15/05/2015 11:50

End: 15/05/2015 11:50

ACTIVIDADE COMPLEMENTARIA: "SI CONTROLAS, VUELVES"
		Día: 15 de maio Horas: 11:50 - 14:20 Lugar: Salón de actos Para: 4ºESO, 1ºBAC e FP Básica

AESLEME (Asociación para o estudo da lesión medular espinal) está especialmente sensibilizada coa prevención da lesión medular e cerebral en nenos e novos.

Esta campaña ten como obxectivo transmitir aos mozos de máis de 16 anos, que o consumo de alcol e outras drogas é totalmente incompatible coa condución de calquera tipo de vehículo.

Así monitores de AESLEME, en cadeira de rodas como consecuencia dun accidente, imparten unha sesión formativa de noventa minutos, sobre o efecto do consumo de alcol, drogas e demais sustancias aditivas en relación á condución de vehículos.

Máis información

Calendario

KTORCE-18

Start: 05/05/2015 09:40

End: 05/05/2015 13:30

ACTIVIDADE COMPLEMENTARIA: KTORCE 18 Programa de prevención de condutas infractoras
		Día: 5 de maio Organiza: Dpto. Orientación Hora: 09:40-11:20 (3º) 11:50-13:30 (2º) Lugar: Salón de actos

KTORCE 18 é un programa de prevención de condutas infractoras, posto en marcha pola Asociación ARELA e conta este curso coa colaboración da Fundación Barrié.

Mediante unha charla divulgativa (de 75') informarán aos rapaces acerca da Lei 5/2000 (Lei do Menor), reguladora da responsabilidade penal dos menores. Cun claro obxectivo preventivo das condutas infractoras máis salientables nos adolescentes, e que tratan de explicar as consecuencias legais das mesmas, dende o punto de vista punitivo e como forma de mellorar a convivencia nas aulas.

Máis información

Calendario

"TE PUEDE PASAR A TI"

Start: 08/05/2015 11:50

End: 08/05/2015 14:20

ACTIVIDADE COMPLEMENTARIA: "TE PUEDE PASAR A TI"
		Día: 8 de maio Horas: 11:50 - 14:20 Lugar: Salón de actos Para: 1º, 2º E 3ºESO

AESLEME (Asociación para o estudo da lesión medular espinal) está especialmente sensibilizada coa prevención da lesión medular e cerebral en nenos e novos. Mediante esta campaña de prevención de accidentes "Te puede pasar a ti" trata de que os mozos realicen hábitos de conduta seguros e responsables.

A conferencia levarase a cabo por un equipo de profesionais formado por un médico ou D.U.E. e unha persoa con lesión medular por accidente, e durará, aproximadamente, 2 horas. Constará dunha presentación amena e atractiva, con vídeos ilustrativos, e adecuada ás idades dos asistentes.

Máis información

Calendario

Correlingua

Start: 06/05/2015 10:30

End: 06/05/2015 13:30

ACTIVIDADE EXTRAESCOLAR: CORRELINGUA 2015 - LUGO
		Día: 6 de maio Hora: 10:30-13:30 aprox. Para: 1º ESO A/B Lugar: Cidade de Lugo Organiza: Dinamización Lingüística

CORRELINGUA é unha carreira en prol da nosa lingua, o galego. É unha proposta de carácter lúdico-educativo que pretende a participación da mocidade neste acto reivindicativo, do dereito a medrar no noso idioma.

Programa da actividade en Lugo, que presentará Isabel Risco.

Marcha: saída desde a Praza de Santa María (11:00h), chegada ao mesmo punto de partida (12:00 h.).
Lectura do Manifesto.
Actuación do grupo Bocinazo.
Concurso de pancartas e animación da marcha.

Máis información: www.correlingua.org Enlace a web externa

Fotografías

Calendario

Obradoiro "A Sexualidade", Educación para a Saúde de Cruz Vermella

Start: 20/04/2015 00:00

ACTIVIDADE COMPLEMENTARIA: Obradoiro SEXUALIDADE
		Días: Consultar horario Hora: Consultar horario Lugar: Na aula Para: 3ESO-A, 3ESO-B e 3ºPDC

Cruz Vermella Xuventude leva varios anos desenvolvendo o Programa de Educación Para a Saúde. Está dirixido aos rapaces co obxectivo de impulsar estilos de vida saudables e reforzar actitudes positivas fronte aos riscos para a saúde, trasladando aos mozos/as e dende os propios mozos/as información sobre determinadas temáticas de interese para este colectivo: a sexualidade, prevención de VIH/Sida, ITS (infeccións de transmisión sexual), embarazos non desexados...

Estas actividades son de formación, divulgación e sensibilización, de carácter preventivo.

Estarán acompañados polo profesor-titor correspondente.

HORARIO ABRIL-MAIO

	Luns, 20 abril	Luns, 27 abril	Luns,4 maio	Luns, 11 maio	Luns, 18 maio
13:30 a 14:20	3º ESO A/B	3º ESO A/B		3º ESO A/B	3º ESO A/B
18:00 a 18:50	3º PDC	3º PDC		3º PDC	3º PDC