Actividades extraescolares IES Muralla Romana

Christmas Card Exchange 2015 - Proxecto de etwinning

Proxecto: Christmas Card Exchange 2015

Postais de NADAL realizadas polo alumnado de 4ºESO (sen PDC) dentro do programa etwinning. Esta actividade ou proxecto consistiu no intercambio de tarxetas e bos desexos con alumnado e profesorado de distintos países europeos. Aquí están as realizadas polo noso centro. Profesora encargada: Mª Jesús Rego.

Ligazón ás tarxetas

Charla temática da USC - Campus Lugo: A importancia das persoas na empresa.

Start: 20/01/2016 11:50

ACTIVIDADE COMPLEMENTARIA: CHARLA - A importancia das persoas na empresa
		Día: 20 de xaneiro Hora: 11:50 ás 13:00 Para: 1ºASIDIR e 1º ADMFIN Lugar: Salón de Actos

Esta charla temática, que forma parte do programa "A Ponte entre o Ensino Medio e a USC", correrá a cargo de Dª. María Gómez Barreiro (profesora na Escola Universitaria de Relacións Laborais e RRHH).

Resumo: As persoas son unha parte esencial na empresa. A correcta selección, formación, retribución, deseño da carreira profesional e avaliación dos recursos humanos proporciona vantaxes competitivas sobre as demais empresas do sector. O persoal de contacto é especialmente importante no sector servizos (atención ó cliente, tramitación de queixas, resolución de problemas…) e nas pequenas e medianas empresas. Seleccionar unha persoa inadecuada nunha gran empresa apenas terá repercusión, pero nunha pequena empresa, pode ser un gran erro.

Dirixida ao alumnado de:

- CICLO SUPERIOR DE ASISTENCIA Á DIRECCIÓN porque no seu currículo figuran os módulos de :
- Recursos humanos e responsabilidade social corporativa
- Comunicación e atención a clientela

- CICLO SUPERIOR DE ADMINISTRACIÓN E FINANZAS, figuran os módulos de:
- Comunicación e atención á clientela.
- Recursos humanos e responsabilidade social corporativa
- Xestión de recursos humanos

Calendario

PLAN DE CONSUMO DE FROITA NAS ESCOLAS

PLAN DE CONSUMO DE FROITA NAS ESCOLAS O alarmante incremento de cifras de obesidade infantil e enfermidades cardiovasculares en adultos, levou á Comisión Europea a formular un plan para a promoción de hábitos saudables como o consumo de froita, desde idades temperás.

Ao centro foille concedida a axuda, que consiste no pagamento íntegro da froita consumida polos rapaces, mediante a achega económica de 0,25 euros por alumno/a da ESO e día lectivo.

A froita que permiten é variada (laranxa, plátano, mazá,...) Distribuirase ao alumnado da ESO no corredor da planta baixa, no recreo. O centro ten concedido catro períodos de reparto, cada período é de cinco días lectivos consecutivos, sendo os seguintes:

- do 18 ao 22 de xaneiro

- do 15 ao 19 de febreiro (solicitado cambio para maio)

- do 07 ao 11 de marzo

- do 11 ao 15 de abril

Esta información do Plan figura no Servizo de Intervención de Mercados do Fogga (Fondo Galego de Garantía Agraria).

Visita a páxina web do Plan

Asistencia ao teatro "La Dama Boba"

Start: 21/01/2016 11:00

ACTIVIDADE COMPLEMENTARIA: Asistencia ao teatro "La Dama Boba"
		Día: 21 de xaneiro Organiza: Dpto. Lengua Castellana Hora: 11:00-14:20 Lugar: Auditorio Gustavo Freire Para: 4ºESO, 1º e 2º de Bacharelato

O alumnado de 4ºESO e de Bacharelato asistirá á adaptación da obra La Dama Boba, do dramaturgo Lope de Vega. É unha obra teatral do Siglo de Oro español. Foi terminada de escribir, segundo consta no manuscrito de Lope, o 28 de abril de 1613.

Ambientada na España do século XVI onde dúas irmás, Finea e Nise, son vítimas do machismo imperante no reino. Por iso unha decide escribir para expresar o seu odio e a outra se fai a parva... Un amor en común faralles enfrontarse entre elas...

Tema central da obra: a idea neoplatónica sobre a capacidade do amor para abrir o entendemento.

Mediante este espectáculo o alumnado terá a oportunidade de poder apreciar e descobrir esta xoia do noso patrimonio literario.

Máis información:

Web de recursosweb.com FAI TEATRING!

Calendario

Taller de Habilidades Sociais

ACTIVIDADE COMPLEMENTARIA: Taller de Habilidades Sociais
		Meses: xan. a marzo Organiza: Dpto. Orientación Hora: Consultar táboa Para: 3º ESO / FPB

Obradoiro ofertado polo Concello de Lugo e organizado polo Departamento de Orientación, dirixido ao alumnado de 3ºESO.

Todos necesitamos relacionarnos con outras persoas: no traballo, na rúa, no instituto, na casa,... ás veces prodúcense conflitos.

No obradoiro tratarase de que adquiran habilidades sociais, para mellorar a comunicación, expresar o que sinten, controlar as emocións negativas e permitir manter relacións positivas, resolver conflitos...

	Luns, 11 xan		Luns, 18 xan		Luns, 25 xan		Luns, 01 feb
17:10 a 18:00	3º ESO-A		3º ESO-A		3º ESO-A		3º ESO-A

	Mérc., 13 xan		Mérc, 20 xan		Mérc, 27 xan		Mérc., 03 feb
12:40 a 13:30	3º ESO-B		3º ESO-B		3º ESO-B		3º ESO-B

	Mérc., 13 xan		Mérc, 20 xan		Mérc, 27 xan		Mérc., 03 feb
12:40 a 13:30	3º PMAR		3º PMAR		3º PMAR		3º PMAR

	Venr, 12 feb		Venr, 19 feb		Venr, 26 feb		Venr, 4 marz
11:50 a 12:40	1º PEIEST		1º PEIEST		1º PEIEST		1º PEIEST

Charla "As redes sociais"

Start: 11/01/2016

End: 11/01/2016

Charla "As redes sociais"

Esta actividade forma para do programa PreviLugo, da Concellaría de Xuventude de Lugo. Propón unha charla dunha sesión por grupo, apoiada con material audiovisual e posteriormente un debate sobre a temática exposta; neste caso, dos riscos que pode supoñer o uso incorrecto da Internet e en concreto, das redes sociais.

HORARIO DECEMBRO

	Mércores, 09	Mércores, 16
12:40 - 13:30 h.		3ºPMAR
13:30 - 14:20 h.	2º ESO-B

HORARIO XANEIRO

	Luns,11	Mércores, 13	Venres, 15
8:50-9:40 h.	1º ESO-B
12:40-13:30h			ACC / 2ºESO-A
13:30-14:20h		1º ESO-A

Calendario

Master Class por Cazcarra

Start: 01/12/2015 11:00

ACTIVIDADE EXTRAESCOLAR: CURSILLO DE MAQUILLAXE
		Día: Organiza: Hora: Lugar: Para:	1 de decembro Dpto. Imaxe persoal Pola mañá Taller de Estética C.S. ESINBE

Profesionais de Cazcarra Image Group, especialistas en maquillaxe, trasladáronse o 1 de decembro de 2015 até o IES Muralla Romana para compartir co alumnado do CS Estética Integral e Benestar os segredos e as últimas tendenzas da maquillaxe profesional.

A demostración correu a cargo de Patricia Martínez, docente e maquilladora profesional de Grupo Cazcarra, quen transmitiu moitos dos segredos e das últimas tendenzas da maquillaxe profesional, incluíndo a novidosa maquillaxe empregando a técnica da aerografía.

O alumnado puido comprobar in situ os resultados, ampliando así a súa formación profesional.

Fotografías

Calendario

Visita ao Arquivo Histórico Provincial de Lugo

Start: 11/12/2015 10:30

ACTIVIDADE EXTRAESCOLAR: VISITA AO ARQUIVO PROVINCIAL.
		Día: Organiza: Hora: Lugar: Para:	11 de decembro Dpto. Administrativo 10:30-14:20 Arquivo de Lugo 1º ADMFIN ord.

As funcións básicas do ARQUIVO HISTÓRICO PROVINCIAL DE LUGO son recoller, custodiar e servir a documentación en beneficio das Administracións, os investigadores e os cidadáns en xeral.

Actualmente custodia milleiros de documentos, procedentes de tódolos ámbitos e sectores da provincia: Da Administración Periférica do Estado, os do Goberno Civil, os das delegacións provinciais de Agricultura, Cultura, Educación, Estatística, Industria, Facenda, Información e Turismo, Sanidade, Transportes e Comunicacións, do Poder Xudicial, de Administracións Institucionais e tamén de procedencia privada.

Conserva ademais os protocolos centenarios da provincia, e os fondos procedentes das institucións rexistrais, como as Contadurías de Hipotecas e os Rexistros da Propiedade, así como, en depósito, o fondo do Concello de Lugo.

Máis información do Arquivo Histórico Provincial de Lugo

Calendario

Socios por un día

Start: 04/12/2015 09:00

ACTIVIDADE EXTRAESCOLAR: SOCIOS POR UN DÍA
		Organiza: Junior Achievement Día: 04 de decembro Hora: 09:00-17:00 Lugar: Empresa Thyssenkrupp Para: 2 alumnas 4ºESO

Socios por un día, é un programa educativo no que alumnado de 16-17 anos (4º ESO/Bacharelato/FP) comparten unha xornada laboral con profesionais de empresas de diversa índole, coa finalidade de enriquecer a súa formación, ao coñecer en primeira persoa a realidade profesional da que formarán parte no futuro.

Queremos agradecer a posibilidade que lles brindan a dúas alumnas de 4º da ESO do IES Muralla Romana a participar neste proxecto. Ambas están a cursar a materia optativa Obradoiro de Iniciativas Emprendedoras, unha forma novidosa de ampliar a súa formación.

O voluntario que achegará a estas dúas alumnas ao mundo laboral é da empresa Thyssenkrupp.

Ligazón de interese

Web do programa: sociosxundia Web

Calendario

Visita ao Arquivo Histórico Provincial de Lugo.

Start: 03/12/2015 11:00

End: 03/12/2015 13:30

ACTIVIDADE EXTRAESCOLAR: VISITA AO ARQUIVO PROVINCIAL.
		Día: Organiza: Hora: Lugar: Para:	03 de decembro Dpto. Administrativo 11:00-13:30 Arquivo de Lugo 1º ASIDIR e 2ºXEAD ord.

As funcións básicas do ARQUIVO HISTÓRICO PROVINCIAL DE LUGO son recoller, custodiar e servir a documentación en beneficio das Administracións, os investigadores e os cidadáns en xeral.

Actualmente custodia milleiros de documentos, procedentes de tódolos ámbitos e sectores da provincia: Da Administración Periférica do Estado, os do Goberno Civil, os das delegacións provinciais de Agricultura, Cultura, Educación, Estatística, Industria, Facenda, Información e Turismo, Sanidade, Transportes e Comunicacións, do Poder Xudicial, de Administracións Institucionais e tamén de procedencia privada.

Conserva ademais os protocolos centenarios da provincia, e os fondos procedentes das institucións rexistrais, como as Contadurías de Hipotecas e os Rexistros da Propiedade, así como, en depósito, o fondo do Concello de Lugo.

Máis información do Arquivo Histórico Provincial de Lugo