Actividades

O alumnado e profesorado da familia profesional de Artes Gráficas participou nos IV Encontros Gráficos, celebrados no salón de actos do noso centro. Nesta xornada técnica participaron José Crespo, xefe do departamento de preimpresión de Domiberia SLU, e Daniel Arranz, experto en xestión de cor de Ebysolutions.

Ligazón á noticia publicada en A voz de Galicia sobre estas xornadas.

O investigador e experto internacional en xenética, Anxo Carracedo, visitou a noso centro, este martes 17 de xaneiro, para impartir unha interesante conferencia baixo o título "Xenómica" ao noso alumnado da rama sanitaria.

O venres 20 de maio festaxamos o día das letras galegas con diferentes actividades: concurso de deseño de camiseta conmemorando a Manuel María, probas deportivas, un photocall deseñado polo alumnado do ciclo superior de Deseño e xestión da produción gráfica e un concerto do grupo musical "Chotokoeu".

O concello de Cambados e o IES Montecelo asinan un convenio para a cesión de vehículos abandonados no depósito municipal ao centro, concretamente para as ensinanzas da FP básica de mantemento de vehículos.

Dous membros da asociación "Solidariedade Galega co Pobo Saharaui - SOGAPS" visitaron hoxe, 18 de maio, o noso centro para dar a coñecer a realidade que vive o pobo saharaui e o programa de acollida "Vacacións en paz".

Alumnado do CEIP Príncipe Felipe visita as aulas do ciclo de Farmacia e Parafarmacia para coñecer como funciona unha farmacia e os diferentes pasos que hai que seguir nun laboratorio para poder elaborar un xabón ou unha crema. Moitas grazas pola vosa visita!

Alumnado e profesorado do departamento de Artes Gráficas desprázanse a Oporto para realizar unha visita técnica a empresas do sector, concretamente a "Multitema-soluçôes De Impressâo SA" e "Calheiros Embalagens". ´Tamén achegaranse ao "Museu Nacional da Imprensa".

Alumnado e docentes da FP Básica desfrutan estes días dunha viaxe a Salamanca como remate desta etapa educativa e xusto antes do inicio das prácticas en empresas. Visitarán, entre outros lugares, os xardíns de Calixto e Melibea (visita dirixida principalmente ao alumnado da FP básica de Agroxardinería e composicións florais) e o Museo da historia de automoción (visita dirixida principalmente ao alumnado da FP básica de Mantemento de vehículos).

O alumnado de 1ºde FP básica compartiu sesión con Elena Martínez Blanco, autora do libro Bajo el paraguas azul, para charlar sobre os perigos do ciberacoso.