Actividades

Esta semana tres alumnos do IES Montecelo representan a Galicia na competición SpainSkills 2022 en Madrid, nas categorías de Xardinaría paisaxística e Floraría. Hoxe remata a competición e están a facer as últimas probas en Floraría e a dar os últimos retoques ao xardín en Xardinaría paisaxística. Estes son os protagonistas e parte do seu traballo.

O alumnado do ciclo de farmacia e parafarmacia comparte Ciencia en Galego nos recreos dos mércores do mes de novembro cos compañeiros e profesores do IES Montecelo. Realizaron determinacións volumétricas, cálculo de densidades e diferentes técnicas de separación, amosando o material e aparellos empregados nestas operacións de laboratorio.

1º premio para Mara Galván Domínguez, alumna de 1º do ciclo superior de Deseño e xestión da producción gráfica.

2º premio para Zoe Baqueiro Valladares, alumna de 1º do ciclo superior de Deseño e xestión da producción gráfica.

Sol Vicente Míguez, alumna de 1º do ciclo superior de Deseño e xestión da producción gráfica é a autora da postal de nadal gañadora do concurso organizado polo centro.  O toque de actualidade ao misturar o nadal co "complemento de moda", a mascarilla, conquistou ao xurado encargado de elixir aos gañadores.

Tamén acadou un premio a postal de Zoe Baqueiro Valladares, alumna de 1º do ciclo superior de Deseño e xestión da producción gráfica, cunha postal amosando o centro nevado.

Como todos os anos a comunidade educativa do IES Montecelo realizou un acto de recordo as vítimas. Unha árbore coas follas secas era o opunto de partida, onde un grupo de alumnos e alumnas ían depositando unha folla verde  en substitución dunha seca, ao tempo que se lían os nomes de cada unha das vítimas do 2020. A folla verde representaba o recordo e o respecto a cada unha delas. Na lectura intercalábanse frases e versos. Todos os partcipantes recibiron un bolsa de tela co lema "Stop violencia de xénero. Basta xa" serigrafiado polo alumnado dos ciclos de Artes gráficas.

Outro ano máis o IES Montecelo homenaxea ás vítimas da violencia de xénero cun acto participativo de todo o alumnado.

O vindeiro día 20 o músico Iván Pérez membro do grupo True Mountains virá de visita o IES Montecelo para intercambiar opinións sobre música e cultura en xeral co alumnado de FP básica do centro.

Ademáis, Pérez ofrecerá un concerto no centro onde poderemos deleitarnos co seu carisma e paixón escoitando os seus temas, entre os que se inclúe "No hay perdedor", cuxa letra foi escrita por Gabriel Jesús Molina Medina, alumno de 1° de FP básica de Artes Gráficas do IES Montecelo, no marco dun concurso de poesía do módulo de Comunicación e Sociedade.