O termo tecnoloxía relaciónase normalmente con máquinas moi complexas. Deste xeito, cando escoitamos falar de tecnoloxía pensamos, por exemplo, en satélites, ordenadores ou teléfonos intelixentes. Pero reducir a tecnoloxía só aos aos novos inventos é un erro: os obxectos máis sinxelos que poidas imaxinar tamén foron creados pola tecnoloxía. Así podemos considerar que:

• a tecnoloxía intervén en todos os obxectos ou sistemas creados para facilitar a vida das persoas, resolvendo problemas ou necesidades asociadas á súa existencia.

• a tecnoloxía existe desde que o ser humano, xa na Prehistoria, tivo que empregar técnicas rudimentarias para fabricar obxectos que lle permitisen subsistir nun medio natural hostil.

• algúns dos obxectos creados pola tecnoloxía hai miles de anos chegan até os nosos días con melloras significativas, pero coa mesma utilidade.